Lai atzeimātu Plīkšānu īīšonu Jasmuižā pyrma 130 godim, 21. julī 14 stuņdēs Preiļu nūvoda Aizkalnē Jasmuižys breivdobys estrādē nūtiks pasuokums „Pliekšānu Jurģi Jasmuižā”. Pasuokumā planavuota plaša kulturys programma i dažaidys aktivitatis. Aizkaļnis teātra kūpa ruodeis uzvadumu „Munu jaunu dīnu zeme” (režisore Rasma Zariņa) par jaunuo Raiņa dzeivi tāva nūmuotajā muižā.

Pasuokumā aicynuoti pīsadaleit deju kūpa „Talderi”, Rušona TN videjuos paaudzis deju kolektivs, Aglyunys KC folklorys kūpa „Olūteņš”, Aizkaļnis sīvīšu vokalais ansamblis, folklorys kūpa „Turki”, folklorys kūpa „Rūtoj” i senioru deju kūpa „Brūklenājs”.

Pasuokuma laikā nūtiks konkurss sātys sīra siejiejom par gorduokū sīru, dorbuosīs keramikys i svīsta kuļšonys darbneica, bārnim byus īspieja izzeimēt i izkruosuot sovu zirdzeņu, kai ari byus īspieja vyzynuotīs zyrgu pajiugā.

Pasuokuma gosti varēs īsaguoduot lauku lobumus, suvenirus i muojsaimnīceibā nūdereigys lītys amatnīku i muojražuotuoju tierdzeņā.

Pasuokumu reikoj Raiņa muzejs „Jasmuiža” i Aizkaļnis Tautys noms, atbolsta LRAA i VKKF.

Ziņu sagataveja: LaKuGa piec pasuokuma organizatoru materialim