Itūgod palīk 70 godi nu pyrmuo latgalīšu literaturys „Olūts” izdavuma izīšonys 1943. godā. Itam nūtykumam par gūdu leidz 22. juļam Rēzeknis Centraluos bibliotekys laseitovā Atbreivuošonys alejā 8/15 apsaverama izstuode „Olūtam – 70”.

„Olūts” ir regulars latgalīšu izdavums, kura žanriskais saturs aptver prozu, dzeju, literaturkritiku, publicistiku i biografeju. Literaturys almanaha izdūšona suocēs vuocu okupacejis laikā – 1943. i 1944. godā V. Loča izdevnīceibā izguoja pyrmī seši „Olūta” numeri. Septeitais numers izguoja jau trymdā – Rītumvuocejā 1947. godā. Piec Latvejis naatkareibys atgiušonys, suocūt ar 1992. godu, „Olūts” izīt Latgolys kulturys centra izdevnīceibā.

Ziņu sagataveja: LaKuGa, roksta sagataveišonā izmontuota Rēzeknis Centraluos bibliotekys informaceja