Aglyunys Maizis muzejs 27. julī aicynoj iz Latgolys amatnīku godatiergu, kas itūgod jau nūtiks ostoitū reizi i teik reikuots Maizis muzeja pastuoviešonys godadīnā. Svātkim byus eipaša nūzeime – tiks atkluota gūdu saimineicu sāta.

10 stuņdēs tiks īkurynuota maizis kruosns, bet nu 11:30 ar skaneigom dzīsmem, loba vieliejumim i pozitivu nūskaņu jaunys mārgys suoks sovu dorbu – meiceis maizis meikli. Puiši škaļdeis molku kruosns kurynuošonai, bet veiru spāks i iztureiba tiks puorbaudeita maisu cyluošonys saceņseibuos. Veikleiba i cytys pasuokuma dalinīku prasmis tiks puorbaudeitys dažaiduos disciplinuos – gon blīnu mesšonā, gon kuļšonā ar sprigulim i cytuos aktivitatēs.

Maizis muzejs eipaši gostūs gaida Latgolys gūdu saimineicys.

Ziņu sagataveja: LaKuGa piec pasuokuma organizatoru informacejis