Pi skaiteituojim ir atguojs 2014. goda „Tāvu zemis kalendars” – kulturviesturiska i literara godagruomota. Godagruomota suoce īzīt pošā Ūtruo pasauļa kara prīškvokorā 1939. godā. Nu 1945. leidz 1990. godam kalendars izguojs Rītumvuocejā, bet piec Latvejis naatkareibys atjaunuošonys nu 1991. goda tys izītLatvejā, Rēzeknē, latgalīšu volūdā. Itūšaļt kotru kalendara numeri izauklej „Latgales kultūras centra izdevniecība”. Kalendera vuoku rūtoj Dīvamuotis biļde nu Sarkaņu Jaunovys Marejis Bezvaineiguos ījimšonys bazneicys.

Tradicionali kalenderi veidoj vairuokys sadalis, vīnu nu tom veidoj kalendarejs. Vairuoki roksti veļteiti lauksaimnīceibai, itūreiz pa vīnam rokstam veļteits medicinai i kulturviesturis pīmineklim. Vysuvaira rokstu kalenderī veļteits Latgolys arheologejai, viesturei i kulturviesturei. Tūs rakstejušys gon Latvejis zynuotnīku vydā pazeistamys personeibys, par pīvadumu, Jurs Urtāns, gon ari nūvodpietnīki, par pīvadumu, Juoņs Būmanis. Roksti veļteiti hronologiski plašam pūsmam nu aizviesturis leidz myusu dīnom, var skaiteit gon rokstus, kas bolstās iz viesturis olūtim, gon ari autobiografiskys apceris. Volūdnīceibys sadaļā var skaiteit puordūmys par filologiskim vaicuojumim. Sova vīta atvālāta ari latgalīšu literaturai, var skaiteit gon dzeju, gon eisus stuosteņus, gon liriskys puordūmys.

Kalendara saturu papyldynoj ari vizualais materials.

Ziņu sagataveja: LaKuGa