Pīduovojam nūsaklauseit producentu grupys SIA „Lietišķā Latgale” taiseitū raidejumu „Pi myusim Latgolā!”.

Itūnedeļ raidejumā:

• Raidejuma veiduotuoji par vaicuojumim jaunuos valutys īvīsšonys procesā uzklauseis Latgolys regiona īdzeivuotuojus, kas atkluos, ka jūs puorsvorā uztrauc tierguotuoju gūdeigums eiro īvīsšonys procesā.
• Raidejuma veiduotuoji apsavērs, kū dreizumā studentim pīduovuos jaunceļamais modernais laboratoreju komplekss Daugavpiļs Universitatē. Izvaicuos školānus – tūpūšūs studentus – voi i cik tūs vyspuor saista dobyszynuotnis i inženirzynuotnis, kuru atteisteibā itūšaļt teik īguļdeiti daudzi miljoni latu na viņ Daugavpiļs Universitatē, bet ari Rēzeknis Augstškolā.
• Raidejuma veiduotuoji gasteis Dagdys nūvodā, kas vysā Latvejā pazeistams na viņ ar solom boguotuokū Ežazaru, bet ari kulinarim lobumim.

Raidejums „Pi myusim Latgolā!” skaņ pīktdinem 18:00 Latgolys Radejā, sastdinem 16:00 Rēzeknis radejis „Ef-Ei” ēterā, taipat tū var atrost i nūsaklauseit škārsteikla lopuos lakuga.lv, latgale.lv i i-rezekne.lv

Ziņu sagataveja: LaKuGa piec producentu grupys  “Lietišķā Latgale” informacejis