Cylvāks muokslā

Cylvāks muokslā

IMG_065730. augustā Latgolys Kulturviesturis muzejā beja īspieja apsavērt izstuodi „Cylvāks”, kas tyka atkluota multimedeju festivala „Žavoronaks – 2013” ītvorūs. Izstuodē varēja apsavērt vītejūs muokslinīku dorbus, kai ari itymā dīnā radeituos plenera gleznys.

„Es poša vairuok cylvākus gleznoju i grafikā taisu, i partū maņ cylvāks ruodīs interesantuoks par vysu puorejū,” stuosta Līga Grāvele, vīna nu izstoudis dorbu autorem, pībylstūt, ka cylvāks ir radeiba, kuru ir „interesantuok attāluot muokslā”.

Izstuode, kurā tyka attāluots cylvāks dažaiduos dzeives situacejuos, sajēme atzineibu apmaklātuoju vydū.

„Maņ cīši patyka izstuode, partū ka tei ir rata īspieja – Rēzeknē apsavērt tik daudz jaunu muokslinīku dorbus. Prīcej tys, ka riezeknīši ir jaunuos paaudzes muokslinīki, i jī ir cīši dažaidi gon piec sagatavuoteibys, gon piec dūmuošonys, gon ari piec izpiļdejuma. Piec dorbim var redzēt, ka kotrs ir lela personeiba,” tai par pasuokumu saceja apmaklātuoja Evija.

Piec oficialuos izstuodis atkluošonys dalis nūtyka akustiskuos muzykys koncerts, kurā izastuoja gon riezeknīši, gon gosti nu cytom Latvejis molom, izpyldūt pašsacarātys dzīsmis i kaverversejis.

Piec tam pasuokums turpynuojuos drupeit intimuokā gaisūtnē salonā „Lāde”, kur dalinīki tyka gasteiti ar blīnim i čaju i aicynuoti pīsadaleit rodūšajuos darbneicuos i cytuos socialuos aktivitatēs.

„Maņ patyka, ka cylvāka byuteiba kotrā gleznā beja atainuota cytaiži. Maņ ruodīs, pasuokums beja lobs, bet beja par moz tautys. Tys varātu byut partū, ka tys ir underground pasuokums, par kuru zynuoja nūteikts skaits cylvāku, bet tys nanūzeimoj, ka jis beja mozuok kvalitativs. Prīca, ka jaunīši var dabuot pīredzi i paruodeit sovys prasmis ari cytim,” festivala nūrisi viertej dalineica Anna, kas pasuokumu apmeklēja jau trešū reizi.

Juoatguodynoj, ka bīdreibys „Artistence” reikuotais multimedeju festivals ar nalelim puortraukumim nūteik jau nu 2006. goda i pīduovoj baudeit dažaidus muokslys veidus.

Andris Uškāns, kas ir vīns nu „Žavoronaks – 2013” organizātuojim, atzeist, ka itūs godu laikā pasuokuma formats ir cīši mainejīs.

IMG_0671

„Suokuos tys vyss beja dūmuots kai nalels dumpis, kod es nūliemu dzievuot Rēzeknē, i drupeit saguoja sasasaisteit ar vītejim muokslinīkim. Rēzeknē eisti nabeja taida pasuokuma, kas byutu koč kaidā veidā interesants natradicionali dūmojūšim cylvākim. Tod mes izdūmuojom nūorganizēt nalelu pasuokumu, kas apkūpuoja gon muokslinīkus, gon muziķus,” jis pabeidz sovu sokomū, pībylstūt, ka itaida veida pasuokums ir lobs veids, kai īsaisteit jaunus cylvākus rodūšā darbeibā i turpynuot šū atteisteibu, dolūtīs radeitajā ar cytim.

IMG_0673

 

 

IMG_0660

 

 

IMG_0654

 

IMG_0651

 

IMG_0637

Pasuokumu apmeklēja i par tū pīraksteja Inese Čiževska
Kartenis: I. Čiževska

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]