Itūgod jau 11 reizi Viļņā (Lītuvā) nūtiks storptautiskais dzīsminīku festivals „Tai-aš”. Itymā festivalā muokslinīki nu dažaidom pasauļa vaļstim caur muzyku prezentej sovu kulturu, volūdu, pasauļa redzīni. Nu Latvejis festivalā īprīkš pīsadalejušs taidi dzīsminīki kai Arnis Miltinš, Austra Pumpure, Valdis Atāls. Itūgod itymā festivalā Latveju puorstuovēs Kārlis Kazāks i Laura Bicāne. Bardu aba dzīdamuos dzejis festivalā vysod dzieržama autentiska muzyka i teksti. Festivalu reikoj kulturys i izgleiteibys centrs „Vilniaus mokytojų namai”. Vasalu nedeli nu 14. leidz 20. oktobrim Viļņā nūtiks dažaidi koncerti. Festivala programmu i vaira informacejis var atrast www.tai-as.lt.
Atguodynojam, ka dzīsmineica Laura Bicāne itūvosor izlaiduse sovu pyrmū albumu „Es tikai ļaujūs”. Sovu rodūšū darbeibu Laura turpynoj paraleli studejom Beļgejā i klauseituojus ar jaunom dzīsmem prīcynuos jau pavysam dreiž.

Ziņu sagataveja: LaKuGa piec Laurys Bicānis snīgtuos informacejis
Karteņa: Laurys Bicānis personeigais arhivs