Reit „Latgolys Studentu centra” Daugavpiļs birojs aicynoj gostūs iz sarunu ar Valentinu Lukaševiču  par raidejumu cyklu „Cytaidi latviskais”. Vokora gaitā tiks īsavārts raidejuma saturā, puorrunuots, kū raidejums deve Latvejai i Latgolai, latgalīšim, kai ari apsprīsti cyti vaicuojumi.

Atguodynojam, ka raidejumu cykls „Cytaidi latviskais” tyka ruodeits Latvejis Televizejā svātdīņu vokorūs nu 30. juņa leidz 1. septembrim.

Raidejuma scenareja i idejis autori ir latgalīšu dzejnīks, prozaiks, pedagogs Valentins Lukaševičs i LTV redaktore Sandra Freiberga, režisoris – Svetlana Rudzīte, Indra Tilaka, operators – Egils Kurpnieks, projekta vadeituoja – Ilze Šadurska.

Tikšonuos nūtiks kopejneicā „Sāta” (Daugavpiļs, Vīneibys ūļneica 17) 18 stuņdēs.

Ziņu sagataveja: LgSC
Karteņa: LgSC arhivs