Latgolys Kulturviesturis muzejs i Latgolys muokslinīku kūpa jau 18. godu piec kuortys aicynoj Latgolys profesionalūs, aktivi struodojūšūs i Latvejis Muokslys akademejā studejūšūs jaunūs muokslinīkus leidz 9. novembrim izstuodei „Rudens 2013” īsnīgt pādejuo goda laikā topušūs tāluotuojis muokslys dorbus (gleznīceibys, grafikys, tielnīceibys, tekstildorbus i c.).

Kai kotru godu, vysus īsnīgtūs muokslys dorbus eksponiešonai izviertēs žureja. Piec izstuodis, pasateicūt Rēzeknis piļsātys dūmis atbolstam, žurejis īteiktī dorbi tiks īpierkti muzeja kruojumā i papyldynuos Latgolys muokslys kolekceju.

Dorbi juoisnīdz Latgolys Kulturviesturis muzejā, Rēzeknē, Atbreivuošonys alejā 102. Pyrms īsnīgšonys juosazynoj pa telefonu 64622464 (muzejs), 29175532 (I. Dundure).

 Izstuodis „Rudens 2013” atkluošona nūtiks 15. novembrī 15:00.

Ziņu sagataveja: LaKuGa piec „Rēzeknes Kultūras un Tūrisma centra” snīgtuos informacejis