Bīdreiba „Latgolys Studentu centrs” sadarbeibā ar kopejneicu SĀTA 15.decembrī, 15.00 reikoj literari muzykalū pasuokumu „Latgalīts latgalīšam draugs” ci LaLaDra.

Pasuokums ir kai tradiceja jau caturtū godu Adventa laikā Daugavpiļs pusē. Īprīkš pasuokums nūtyka Raiņa sātā Berkenelī, bet itū godu  pasuokums nūtiks Daugavpiļs piļsātā.

Adventa laiks ir puordūmu laiks, lobu vuordu i gaideišonys laiks, deļ tam ari itūgod LaLaDra laikā latgalīšu literatu i muzykantu duovuos sovim klauseituojim sirds vuordus i dzīsmes. Pasuokums  nūtiks ari ar labdareibys īvirzi – pasuokuma laikā vareis zīduot naudu Daugavpiļs Universitates studentis Sintijis Allis operacejai Vuocejā, kab jei atgiutu veseleibu piec vieža slimeibys.

Ka ari Tev ir kū saceit, dzīduot, skaiteit ci grybi zīduot Sintejai Allei –  drūsai, svātdiņ (15.decembrī 15.00)  gaidom iz LaLaDra kopejneicā SĀTA (Vīneibys 17, Daugavpilī).

Ziņu sagataveja: LgSC Daugavpiļs birojs