“Kolnasātā” gastej jurists Agris Bitāns. Jauneibā jis ir bejs aktivs Latgolys Studentu centra bīdrs, niu aizjimts reidzinīks ar sovu jurista praksi, tok ari niu jam ir svareigi latgalīšu volūdys juridiskuo statusa vaicuojumi. Parunuosim par juo jauneibys dīnu latgaliskajom aktivitatem i idealim i vaicuosim piec juo jurista vīdūkļa saisteibā ar aktualim vaicojumim volūdys politikā kai Latgolys, tai Latvejis mārūgā. Sarunā ar Agri Bitānu nūskaidruosim juo redzīni kai latgalīšu volūdys statusa vaicuojumā, tai ari par Latgolys lūmu Satversmis preambulā.
Latgolys stuosti itūreiz par aktivuokū Latgolys biznesa inkubatora uzjiemieju Guntaru Šulcu i juo ”Eco Fabriku”. Uzjāmums na viņ veiksmeigi dorbojās jau nu 2011. goda, bet niu ari pasaplašynoj i vys vaira mehanizej sovu dorbu. Lela daļa precis teik eksportāta, tok tiek tierguota ari Latvejā, dažaidūs Zīmyssvātku tierdzeņūs. Pyrma Zīmyssvātku saguojs adeit daudz vysaidu rokstainu cymdu, taipat ”Eco Fabrika’ pīduovoj uzjāmumim izadeit, par pīmāru, cymdus ar firmys logo.
Vuordineicā Ilze Sperga stuosta par apstyprynojuma partikulu ”nui”.  Tys ir vuords, kū ak jau zyna vysi latgalīši, tok na vysi latvīši juo sarunā varēs saprast.

Raidejumu klausīs ite.

Raidejumu taisa – Aigars Runčis, Daira Kokoreviča i Ilze Sperga.

Ziņu sagataveja: “Kolnasāta”
Karteņa: “Kolnasāta”