Beleti iz Latvejis Nacionaluo teatra izruodi, Danskovītis tautys komedeju  “Latgola.lv” izpuordūtys napylnys dīnys laikā, informej Leivuona nūvoda Kulturys centrs.

Beletu puordūšona iz 31. janvara izruodi suocēs vakar, 7. janvarī, i tymā pošā dīnā vysi beleti tyka izpierkti. Skateituoju interese par Nacionaluo teatra kasis gruovieju “Latgola.lv” izaruodejuse puorsteidzūši lela, partū ka vaira kai 500 sādvītu lelū zalu i balkonu izadevs izpuordūt napylnys dīnys laikā. Puorsvorā beletus pierkuši Leivuona nūvoda īdzeivuotuoji, koč i interesi izruodeja ari sābru piļsātu – Jākubpiļs i Preiļu īdzeivuotuoji.

Danskovītis tautys komedejā “Latgola.lv” spielēs taidi īmīļuoti akteri kai Uldis Dumpis, Dace Bonāte, Anna Klēvere, Daiga Gaismiņa voi Dita Lūriņa, Daiga Kažociņa, Indra Burkovska, Voldemārs Šoriņš, Līga Liepiņa voi Gunta Virkava, Gundars Grasbergs, Juris Hiršs, Mārtiņš Egliens. Režisors Valdis Lūriņš, dzīšmu tekstu autors Jānis Peters, komponists Valdis Zilveris.

Ziņu sagataveja: LaKuGa piec Leivuona nūvoda dūmis informacejis
Karteņa: Latvejis Nacionaluo teatra publicitatis foto