Latgolys lauku školu školāni aicynuoti pīsadaleit jaunradis konkursā, kas veļteits nūvodneicai, dzejneicai Naaizmierstulei. Jaunradis dorbūs pīduovuots izviertēt i izsaceit sovys dūmys par temu „…soki, kū gribi dzeivē sasnēgt? Uz kū nasās tovs prōts un sirds?”. 

Konkursa dorbus juosyuta iz e-postu  aglonasvsk@pvg.edu.lv leidz 2014. goda 3. februaram. Ar konkursa nūlykumu var īsapazeit ite.

Konkursa nūslāgums paradzāts 13. martā Aglyunys vydsškolā.

2005. goda 28. oktobrī Aglyunā tyka atzeimuota Naaizmierstulis aba Rozalejis Tabinis  (1890-1965) – spylgtys personeibys latgalīšu  literaturā – 115. dzimšonys dīna, kas beja suokums školānu jaunradis dorbu konkursam.

Vaira informacejis par konkursu: M. Pušņakova – 26446978; e-posts  monika.pusnakova@inbox.lv

Ziņu sagataveja: LaKuGa
Karteņa: LaKuGys arhivs