Bolvu Bārnu i jaunīšu centrs izsludynuojs pīsasaceišonu Bolvu nūvoda Jaunīšu goda bolvai 2013, kurys nūslāguma pasuokums nūtiks 31. janvarī Bolvu Tuoļuokizgleiteibys i cylvākresursu atteisteibys centrā.

Konkursa mierkis ir apzynuot Bolvu nūvoda aktivūs jaunīšus i jaunīšu grupys, veicynojūt jūs aktivu leidzdaleibu sabīdriskajā dzeivē i popularizejūt individualu talantu pylnveiduošonu.

Bolvai var pīsaceit i individualus pretendentus, i jaunīšu grupys. Individualī pretendenti tiks vierteiti divejuos grupuos: 13–18 godi i 18–25 godi.

Bolva tiks padūta deveņuos nominacejuos: Goda breivpruoteigais, Goda aktivuokuo navaļstiskuo organizeja (NVO), Goda aktivuokais školu pošpuorvaļdis puorstuovs, Goda tehniskuos jaunradis lītpratiejs, Goda aktivuokais veseleiga dzeivisveida popularizātuojs, Goda dzymtuos vītys patriots, Goda aktivuokais daudzpuseigūs interešu realizātuojs, Goda jaunīts rodūšajā industrejā, Goda bolva par sasnāgumim uzjiemiejdarbeibā.

Ar konkursa nūlykumu i pīsacejumu veidlopom var īsapazeit ite.

Pīsacejumu veidlopys var sajimt ari Bolvu nūvoda Bārnu i jaunīšu centrā Breiveibys ūļneicā 48.

Pīsacejumi konkursam juoīsnīdz Bolvu Bārnu i jaunīšu centrā, Breiveibys ūļneicā 48, voi syutūt pa e-postu bbjc@balvi.lv leidz 24. janvaram.

Ziņu sagataveja: LaKuGa