Inga Ābele sarakstejuse romanu par pyrmajim latgalīšu bazneickungim

Inga Ābele sarakstejuse romanu par pyrmajim latgalīšu bazneickungim

Klugu_muks500Izdevnīceibā “Dienas Grāmata” izdūts Ingys Ābeles jaunais romans “Klūgu mūks”. Tys ir stuosts par pyrmūs Latgolys latvīšu bazneickungu i liduotuoju dabasu olkom, par cylvāka sirds i sapruota celim, par grāku i pīdūšonu. Golvonuo varūņa prototips ir Fraņcs Trasuns – katuoļu prīsters, teologejis magistrs, īvāruojams vaļstsveirs i sabīdrisks darbinīks, kam itūgod byutu 150 godu.

Vuords mūks latvīšu volūdā apzeimoj cylvāku, kas izavieliejs gareiguos kolpuošonys ceļu, nu laiceiguos dzeivis atsasacejušu vīntuļnīku. Latgaliski mūka, mūceņa ir Jezus atveids pi krucifiksa, mūku atveids aba, kai precizi pasacejs kūktieļnīks Ontons Rancāns, kūkā izgrīztys cīsšonys.

Inga Ābele – prozaike, dramaturge, dzejneica. Dzymuse 1972. godā Reigā. Beiguse Latvejis Kulturys akademejis Teatra i TV dramaturgejis nūdaļu.

2003. godā sajāmuse Literaturys goda bolvu par dramaturgeju i 2004. godā Literaturys goda bolvu par stuostu kruojumu “Sniega laika piezīmes”. 2008. goda Prozys lasejumu laureate. Sajāmuse Rakstnīku savīneibys Goda bolvu literaturā par romanu “Paisums”. 2009. godā par romanu “Paisums” rakstneicai daškierta Baļtejis Asamblejis bolva literaturā.

2010. godā izdevnīceibā “Dienas Grāmata” izguoja rakstneicys stuostu kruojums “Kamenes un skudras”. 2013. godā izdevnīceiba “Open Letter Books” (ASV) izdeve romanu “Paisums” angļu volūdā.

Romāns “Klūgu mūks” radeits izdevnīceibys “Dienas Grāmata” latvīšu literaturys projekta “Prāta piedzīvojums” ītvorūs, kū atbolsta  AS “LATVIJAS GĀZE”.

Gruomota izdūta ar Vaļsts kulturkapitala fonda atbolstu.

Gruomotys vuoka muokslinīks Kirils Kirasirovs. Vuoka noformiejumā izmontuota Ingys Ābeles i Gunāra Dukštes kartenis.

Ziņa sagataveita piec izdevnīceibys “Dienas Grāmata” dūtuos informacejis

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]
Mar
20
Cat
all-day Izstuode “Baba, kurū škārsteikla... @ "New East"
Izstuode “Baba, kurū škārsteikla... @ "New East"
Mar 20 all-day
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]