Latgalīšu kulturys Goda bolvys „Boņuks 2013” organizatori paziņoj bolvys pretendentus 17 nominacejuos. Bolva 19 nominacejuos tiks padūta 23. februarī Rēzeknē 16.00 stuņdēs Latgolys viestnīceibys GORS Lelajā zalā. Bolva tiks padūta ari par myuža īguļdejumu latgalīšu kulturys atteisteibā i par vysvaira atskaņuotū latgalīšu dzīsmi.

Nominaceja „Goda cylvāks kulturā”
Aivars Arnicāns: Dagdys īdzeivuotuojs, nūvodpietnīks, dybynuojs Dagdys nūvodpietnīceibys bīdreibu „Patria”
Kristaps Rasims: grupys „Bez PVN” muzykys dvēsele, Dailis teatra aktīrs, seriala „Ugunsgrēks” Jezups
Guntra Kuzmina: vokaluos studejis „Skonai” dybynuotuoja, muzykalūs projektu dalineica
Ilona Bukša: Vileks kulturys noma kapelys vadeituoja, Vileks muzykys i muokslys školys i Baļtinovys muzykys i muokslys školys pedagoge

Nominaceja „Goda nūtykums”
„Ontonam Slišānam 65”: reikuotuoji – Bolvu centraluos bibliotekys vadeituoja Ruta Cibule, Upītes tautys noma vadeituojs Andris Slišāns, Upītes kulturviesturis muzeja vadeituoja Ligita Spridzāne
Grupys „Bez PVN” albuma „Reits” videoklipi i 10 godu jubileja koncertturneja
Uzvadums-dzīšmu spēle „Ķēniņmeita. Latgales pasaka”
Latgolys viestnīceibys GORS atkluošona Rēzeknē
LTV1 dokumentalūs kinu cykls „Cytaidi latviskais”

Nominaceja „Par latgalīšu volūdys populariziešonu”
Kina „Vīna vosora deļ vysu” (Latgolys entuziastu grupa „Biļdis”)
Latgolys Studentu centrs
LR1 latgalīšu raidejums „Kolnasāta”
LTV1 dokumentalūs kinu cykls „Cytaidi latviskais”

Nominaceja „Goda omotnīks/saiminīks”
Valters Murāns: uznāmums „Ausmeņa kebabs”
Juris Vucāns i Aivis Ruža: uznāmums „Sātys”
Astrīda Vucina: audieja i bīdreibys „Latgaļu sāta” saimineica
Staņislavs Viļums: pūdnīks, „Podnieku dienas 2013” reikuotuojs

Nominaceja „Latgalīšu kulturys atbaļsteituojs”
Daugovpiļs Latvīšu kulturys centra folklorys kūpa „Svātra”
Jānis Blaževičs: teju 20 gadus finansiali atbaļstejs Latgolys Kulturys centra izdevnīceibu Latgolai nūzeimeigu gruomotu izdūšonā
Lilita Dravniece: aicynoj daudzus muokslinīkus, ar pasuokumim boguotynojūt Mednevys kulturys dzeivi

Nominaceja „Goda sasnīgums vizualajā muokslā”
Māris Maskalāns: projekts „Nagļi. LV 4631”
Raibīs (Oskars Orlovs): dorbu izstuode „Ausmeņa kebabā”
Marka Rotko centra atkluošona Daugovpilī

Nominaceja „Goda sasnīgums skotuvis muokslā”
Uzvadums-dzīšmu spēle „Ķēniņmeita. Latgales pasaka”
Rēzeknis augstškolys studentu teatris „ĶerRA” sajam „Sudraba Āksta cepuri” 14. Latvejis studentu teatra dīnuos
Ilmāra Dreļa dejas XXV Vyspuorejūs Dzīšmu i XV Deju svātkūs

Nominaceja „Goda sasnīgums audiovizualajā muokslā”
LTV1 dokumentalūs kinu cykls „Cytaidi latviskais”
SIA „Lietišķā Latgale” veidotais iknedelis raidejums „Pi myusim Latgolā”
Kina „Vīna vosora deļ vysu” (Latgolys entuziastu grupa „Biļdis”)

MUZYKA

Nominaceja „Lobuokais sasnīgums pop/rok muzykā”
Grupys „Bez PVN” albuma „Reits” prezentacejis pasuokumi, videoklipi i 10 godu jubileja koncertturneja
Laurys Bicānis „Es tikai ļaujūs…” albums i prezentacejis pasuokumi
Grupys „Dabasu Durovys” dzīsme i video klips „Biļdis un skoti”

Nominaceja „Lobuokais sasnīgums tautys muzykā”
DJ Monstas i Birutys Ūzulenis albums „Sauli sēju”
Kuorsovys nūvoda daņču muzykantu albums „Muzykant, laiks tovai garmaņai!”
Vabalis pogosta etnografiskuo ansambļa „Vabaļis” albums „Pa celeņu…”

Nominaceja „Lobuokais sasnīgums alternativajā muzykā”
Projekta „Kapļi” albums „Prauda par Madaļi”
Grupys „Gatavi rudzi” dzīsme „Pyrmais nu molys”
Projekta „Jis i jī kam nav bolsa” dzīsme „Eleonora”, „Kovshik”, „Puderova 2013”

Nominaceja „Lobuokais sasnīgums akadēmiskajā muzykā”
Uzvadums-dzīšmu spēle „Ķēniņmeita. Latgales pasaka”
Andrejs Selickis „Himna Mātei Terēzei” atskaņuojums Vileks Vyssvātuokuos Jezus Sirds Rūmys katuoļu bazneicā i Latgolys viestnīceibā GORS
Komponistis Ilonys Rupainis skondorbi XXV Vyspuorejūs Dzīšmu i XV Deju svātkūs nūslāguma koncertā („Saule brida rudzu lauku”, „Gaismeņa ausa”, „Moseņ, zeileit’ viesti nesa”)

Nominaceja „Lobuokais muzykys video”
Dueta „Poparts” videoklips „Muna sirds”
Grupys „Dabasu Durovys” videoklips „Biļdis un skoti”
Grupys „Bez PVN” videoklips „Tylts”

Nominaceja „Gada debeja myzykā”
Kuorsovys nūvoda daņču muzykanti (albums „Muzykant, laiks tovai garmaņai!”)
Duets „Poparts” (dzīsme i videoklips)
Grupa „Ze Pikniks”

LITERATURA

Nominaceja „Lobuokuo proza”
Ilze Sperga ar bārnu kruosojamū gruomotu „Munā sātā”
Rolands Mareckis ar gruomotu „Mantinieks nedrīkst raudāt”
Guntix nu Vertukšnis ar gruomotu „Reits mežā”

Nominaceja „Lobuokuo dzeja”
Inetys Atpiles-Juganes dzeja latgaliski
Voldemārs Voguls ar dzejūļu kruojumu „Sirds bolss”
16. dzejis almanahs „Rēzekne 2013”

Nominaceja „Lobuokais izdavums/gruomota”
Latgolys lingvoteritorialuo vuordineica
Irena Vilčuka ar gruomotu „Francisks Varslavāns”
Anna Rancāne ar gruomotu „Divpadsmit Latgales loki kopā ar Annu Rancāni”
Latgalīšu žurnals „A12”

Latgalīšu kulturys Goda bolvys „Boņuks 2013” žurejis komandā dorbuojās cylvāki, kuru veikums latgalīšu kulturys dzeivis veicynuošonā sovu laiku nūvārtāts ar „Boņuka” bolvu, kai ari naatkareigi eksperti i sovys jūmys lītpratieji: Ilga Šuplinska, Anita Ločmele, Ruta Cibule, Ilmārs Dreļs, Andris Slišāns, Jānis Streičs, Diāna Zirniņa, Ingars Gusāns, Atis Auzāns, Aigars Runčis, Artūrs Uškāns, Sandra Stare, Lolita Greitāne, Guntars Račs, Līga Rundāne, Ilze Sperga, Anna Rancāne, Raibīs (Oskars Orlovs) un Līga Seiksta-Deksne.

Karteņa: GORS publicitatis foto
Viesti sagataveja: LaKuGa piec GORA snīgtuos informacejis