Bolvai “Kilograms kultūras” nomineits ari “Gors”
Catūrtdīņ, 13. martā, 22.15 stuņdēs eipašā “100 g kultūras” specializlaidumā tiks nūskaidruoti Latvejis Televizejis Kulturys redakcejis veiduotuos goda bolvys “Kilograms kultūras 2013” laureati. Nominantu vydā ir ari Latgolys viestnīceiba GORS, pretendejūt iz bolvu par goda nūtykumu kulturā.
Kai goda nūtykumi kulturā nomineiti Latgolys viestnīceibys GORS atkluošona Rēzeknē, Frederiko Garsijas Lorkas “Lekcijas” izdavums Edvīna Raupa tulkuojumā, kai ari XXV Vyspuorejī latvīšu Dzīšmu i XV Deju svātki.
Bolvys tiks padūtys ari par izcilu snāgumu muzykā, vizualajā muokslā, teatra muokslā, kino, literaturā, kai ari goda puorsteigumam kulturā.
Bolvu “Kilograms kultūras” raidejums “100 g kultūras” izveiduoja 2011. goda suokumā. Kandidatu izvierzeišonys i viertiešonys sistemu veidoj Latvejis Televizejis Kulturys redakcejis žurnalisti i cyti Latvejis Televizejis žurnalisti, kuri raidejumūs atspūguļoj kulturys nūtikšonys Latvejā. Kotru catūrksni nominaceju skaits ir atkareigs nu kulturys nūtykumu, tok napuorsnādz ostonis nominacejis, kuruos vierzej na vaira kai treis nūtikšonys. Bolvys sajiemiejus nūsoka tik skateituoju bolsuojums.
