Turpynojūt īsuoktū tradiceju, ari itūgod, Reigā nūtiks Daugovpiļs teatra dīnys. No 4. apreļa leidz 12. majam Latvejis Nacionalajā teatrī, Dailis teatrī i Mihaila Čehova Reigys Krīvu teatrī byus īspieja nūviertēt Daugovpiļs teatra jaunuokūs i īcīneituokūs iestudiejumus. Tymā skaitā byus ari izruode latgaliski – “Dabaseibys pūddarneica”.

Daugovpiļs teatris golvyspiļsātys īdzeivuotuojus gryb īpazeistynuot ar regionalū muokslu i pīvērst viereibu profesionaluos muokslys atteisteibai i nūzeimeibai regionūs. Pādejūs sezonu laikā teatra profesionalajā darbeibā ir radzamys pozitivuos puormainis i jaunys teņdencis. Teatris sovūs jaunīstudiejumūs nasabeist nu eksperimentim, īstudejūt izruodis i latgaliski, i latvīšu i krīvu volūduos, kai ari teik vaicuoti jauni muokslinīciskī rysynuojumi, pīduovojūt jaunys formys i cyta veida dialogu ar skateituojim.

Daugovpiļs teatris Reigā gasteis ar itūšaļt spylgtuokajim īstudiejumim i Reigys skateituoji varēs apmeklēt vysaidu žanru izruodis. Teatra dīnys Reigā tiks atkluotys Nacionalajā teatrī ar dejis īstudiejumu “Kazanova. Henrieta. Venēcija.”. Eistynu latgalīšu goru golvyspiļsātā īness izruode “Dabaseibys pūddarneica jeb Viņa laimesciema podniekdarbnīca”, kai ari skateituojim tiks pīduovuotys izruodis krīvu volūdā – “Viss ir viņa”, “Kaija. Under construction”, bet Daugovpiļs teatra dīnys Reigā nūslēgs ar Raimonda Paula, Emīla Zolā mūziklu “Dāmu paradīze”. Taipat Reigys skateituojus aicynoj apmeklēt Daugovpiļs teatra izruodis Jelgovā i Valmīrā.

Daugovpiļs teatra dīnys Reigā:

4. apreļs 19.00 Latvejis Nacionalais teatris – “Kazanova. Henrieta. Venēcija.” (vyss par eistu mīlesteibu i kaisli dejis i kusteibys volūdā, 10+, horeografe i libreta autore: I. Saveļjeva);
5. apreļs 19.00 Dailis teatris – “Dabaseibys pūddarneica jeb Viņa laimesciema podniekdarbnīca” (14+, rež. J. Jonelis);
10. apreļs 19.00 Dailis teatris– “Viss ir viņa” (izruode pusaudžim i jūs pīaugušajim vacuokim, 16+, izmontuota nacenzieta leksika, rež. G. Surkovs);
23. apreļs i 8. majs 19.00 Dailis teatris– “Kaija. Under construction” (pasauļa klasika originalvolūdā, 12+, rež. O. Šapošņikovs, G. Surkovs);
12. majs 19.00 M. Čehova Reigys Krīvu teatris – “Dāmu paradīze” (mūzikls par mīlesteibu, mūdi i skaistu dzeivi, 10+, rež. O. Šapošņikovs).

Cytuos piļsātuos:
6. apreļs 16.00 Jelgovys kulturys noms – “Tartifs jeb varenā XVII gadsimta afēra” (10+, rež. V.Jansons)
14.majs 18.30 Valmīrys dramys teatris – “Meli. Kāda dzimumakta un pasaules civilizācijas vēsture vienā cēlienā” (16+, rež. O. Šapošņikovs)

Beletus iz Daugovpiļs teatra izruodem Reigā īspiejams īsaguoduot Dailis, Latvejis Nacionaluo i M. Čehova Reigys Krīvu teatru kasēs, Moskovys noma kasē, kai ari “Biļešu paradīzes” i “Biļešu servisa” kasēs vysā Latvejā i škārsteikā bilesuparadize.lv, bilesuserviss.lv

Ziņa sagataveita piec Daugovpiļs teatra informacejis