Itamā nedeļā tika padūtys divejis kulturys bolvys par sasnāgumim paguojušajā godā: laikroksta “Diena” goda bolva kulturā, kai ari Latvejis Televizejis bolva “Kilograms kultūras”. Bolvys sajēme ari Daugovpiļs Marka Rotko muokslys centrs i Latgolys viestnīceiba GORS.

Daugovpiļs Marka Rotko muokslys centrs sajēme “Dienas” i “KDi” skaiteituoju simpateju bolvu, teikūt atzeits par puorsteidzūšu i kvalitativu kulturys faktu. Rotko muokslys centrs dabuoja “Dienas” goda bolvys kulturā atbaļsteituoja “Latvijas dzelzceļa” bolvu.

Bolvys “Kilograms kultūras” padūšonys ceremonejā Latvejis Televizejis Kulturys redakcejis eipašuos bolvys tyka pīškiertys i Daugovpiļs Marka Rotko muokslys centram, i Latgolys viestnīceibai GORS.

Latgolys viestnīceiba GORS beja ari vīns nu nominantim goda kulturys nūtykuma kategorejā, kurymā bolvu sajēme XXV Vyspuorejī latvīšu Dzīšmu i XV Deju svātki.

Ziņa sagataveita piec laikroksta “Diena” i Latvejis Televizejis informacejis
Karteņa: rothkocenter.com