Lobdareibys koncerts “Tu esi mans draugs” Daugovpilī

Lobdareibys koncerts “Tu esi mans draugs” Daugovpilī

afisha_suns_A24. aprelī 19.00 Daugovpiļs nūvoda Kulturys centrā (Daugovpilī, Dūbelis ūļneicā 30) nūtiks lobdareibys koncerts “Tu esi mans draugs”. Koncerta mierkis ir atbaļsteit Daugovpiļs dzeivinīku patversmi i paleidzēt atrast jaunys sātys tuos īmeitnīkim.

Aicynuojumam paleidzēt ir atsasaukuši populari skotuvis muokslinīki nu Daugovpiļs, Daugovpiļs nūvoda, Ilūkstis, Aglyunys i Jākubpiļs. Pasuokumā pīsadaleis Daugovpiļs nūvoda kulturys centra tautys deju ansamblis “Līksme”, grupys “Dabasu Durovys”, “Patrioti.lg”, “A2”, “Zenīts”, kai ari solisti Jurs Ostrovskis, Andis Ķīsis, Ēriks Gruzniņš, Artūrs Uškāns i romantiskais duets Kristīne i Alvis. Koncertu vadeis atraktivais i šarmantais Daiņs Platacs.

Atbaļsteisim dzeivinīku patversmi, kurymā struodoj nalela, tok cīteiga komanda, kas patīsai mīļoj četrkuojainūs draugus. Atrast jaunu saiminīku kačam voi suņam ir cīši gryuši, partū ka daudzi cylvāki nauzadrūšynoj apmeklēt dzeivinīku patversmi mitu i stereotipu dieļ. Vysi koncerta laikā savuoktī zīduojumi tiks nūvirzeiti dzeivinīku bareibys i medikamentu īguodei, kai ari patversmis īmeitnīku dzeivis apstuokļu uzlobuošonai.

Daugovpiļs dzeivnīku patversmis vadeituoja Oksana Bondare stuosta: “Mes naspiejom palikt vīnaldzeigi pret izmysuša dzeivinīka skatīni. Vysbīžuok myusu mozī draugi teik nalaimē taišni cylvāku vainis voi nūlaideibys dieļ, i ari paleidzēt jim spiej tik cylvāks, partū byusim leidzjiuteigi i īsasaisteisim – izgluobtuo dzeivnīceņa uzticeiba ir naizmāruojama!”

Paleidzēt var na tik zīdojūt naudu, bet ari atnasūt dzeivinīku bareibu, dečus, pologus, dvīļus, vysaidys rūtaļlītys i cytys dzeivinīkim nūdereigys lītys. Pyrms koncerta ituos lītys byus īspiejams nūdūt patversmis darbinīkim!

Naasi vīnaldzeigs – varbyut taišni Tu esi jūs vīneiguo cereiba!

Īeja koncertā – par zīduojumim!

Ziņa sagataveita piec Daugovpiļs nūvoda dūmis dūtuos informacejis

Kalenders

Mar
19
Tre
11:00 Nūvodpietnīceibys piecpušdīne pa... @ Kuorsovys piļsātys biblioteka
Nūvodpietnīceibys piecpušdīne pa... @ Kuorsovys piļsātys biblioteka
Mar 19 @ 11:00 – 12:30
Rakstnīka Jezupa Laganovska 105. jubilejam veļteita nūtikšona.
12:00 Izstuodis “Paātrinājums” atkluošona @ Jaunbyuvis biblioteka
Izstuodis “Paātrinājums” atkluošona @ Jaunbyuvis biblioteka
Mar 19 @ 12:00 – 13:00
Sagaidūt nūzeimeigu latvīšu gruomotnīceibys jubileju – pyrmuos īspīstuos gruomotys latvīšu volūdā pīcsymtgadi – Daugovpilī, Latgolys Centraluos bibliotekys filialē Jaunbyuvis bibliotekā, nūtiks ceļojūšuos izstuodis “Paātrinājums: latviešu grāmatniecības īsais ceļš no aizbildniecības līdz patstāvīgai nozarei 19. gadsimtā”[...]
17:00 Izstuodis “Baba, kurū škārsteikl... @ "New East"
Izstuodis “Baba, kurū škārsteikl... @ "New East"
Mar 19 @ 17:00 – 18:30
Baba ir Latgolys fenomens, kura oda zečis, skaita gazetys, marinej konservus zīmai, slauc gūvs i iz pīna golda nūdūd pīnu, ravej duorzu, cap špeka peirāgus i dora cytys lītys, kū babys parosti dora. Tok taidys[...]
17:30 Ture izstuodē “Gleizds, šķēres, ... @ Paula Stradiņa medicinys viesturis muzejs
Ture izstuodē “Gleizds, šķēres, ... @ Paula Stradiņa medicinys viesturis muzejs
Mar 19 @ 17:30 – 19:00
Muzeja pietneica – socialantropologe Anna Žabicka sovā stuostejumā par izstuodi pīsavērss veirīša (male gaze) i medicinyskajam (medical gaze) skatīņam iz sīvīti kai Gleizda muokslys, tai dokumentalajuos fotografejuos, kas beja nasaraunamai saisteitys ar juo dzeivi i[...]