Raidejumā itūnedeļ gastej fotoviesturnīks Pīters Korsaks. Ar jū teik runuots par Latgolys fotografu seminaru, kas 5. aprelī nūtyka Preiļūs, kai ari par juo personiskū pīredzi fotografejā. Tematiskai ari vuordineica veļteita biļdem, karteņom i obrozim. Itūreiz teik raudzeits atrast latgaliskū skaidruojumu i verseju 2013. goda vuordam “selfijs”. Voi tys ir ”pošbyuds”, ”pašeņš” voi kas cyts?

Viereibu veļteita ari latgalīšu jūkim i humora izjiutai tuolajā 1914. godā i myusu dīnuos. Piec aicynuojuma socialajūs teiklūs īsyuteit anekdotus tyka sajimts daudz viestuļu. Raidejumā dzierdēsit Juoņa Rapšys humoristiskū dzejūli “Dziļuo sakne”.
Sovpus Guna Zvīdre sižetā stuosta, kai rēzeknīši gatavojās atkluot maratonu sezonu i trenejās skrīšonā.