Jauns muzykalais duets “Paprika” klauseituojim pīduovoj dzīsmi “Ja vien sirds zinātu”.

Divejis mārgys no Latgolys sirds, kūšys i dzeivisprīceigys, sasatyka i sasadzīduoja. Tys beja suokums kūpeigai muziciešonai i draudzeibai, partū ka jau pyrmajā sasatikšonys reizē obejis sasaprota nu pusvuorda. Niu mārgys aktivi komponej dzīsmis, ari latgalīšu volūdā.

Par sevi “Paprika” soka tai:
“Apbreinuojami, kai cylvāki var byut reizē atškireigi i leidzeigi – mes obejis vysu laiku diskutejam i streidomēs, kod runa ir par dzīšmu voi tārpu, voi kaidu izvieli. Tok tod, kod cylvākā dzeivoj muzyka, kas nuok nu sirds i ir patīsa, tī namonūt it kai saaug kūpā i aizamierst vysi seikī kaški. Taišni ituo īmasla piec myusu duetam itaids nūsaukums, partū ka paprika – tei ir kūša i soldona, tei ir kotra sovā kruosā, bet, golvonais, duovoj cytim prīcu i dvēselei ‑ vitaminu devu!”