Latgolys plānuošonys regions i Latgolys fotografu bīdreiba izsludynuojuse fotokonkursu “Latgalietis XXI gadsimtā”, kurā aicynuoti pīsadaleit i profesionali meistari i fotografejis entuziasti, kuru karteņuos radzami cylvāki, kas saisteiti ar Preiļu nūvodu.

Karteņuos var byut ītvarti: sadzeivis paražys, tykumi i tradicejis, kultura, ražuošona, Preiļu nūvoda cylvāku sadzeive – jūs raksturu īpašeibys, ticeiba, nūvoda doba i tuos problemys saisteibā ar Latgolys cylvāka vizualū attālu.

Izvierteišonai tiks pījimtys malnboltys i kruosainys kartenis, izgataveitys A4 formatā, kluotyn pīvīnojūt disku ar failim, kuru izšķietspiejai ir juobyut 300 dpi, nu kura atlasis kuortā tiks izgataveitys 30×45 cm kartenis prezentacejis izstuodei.

Nu kotra autora teik pījimts naīrūbežuots skaits dorbu leidz 2015. goda 1. juņam.

Kartenis ūtrajā pusē juobyut skaidri radzamim itaidim datim: autora vuords, pavuorde, dorba nūsaukums, autora preciza adrese, telefona numers, e-posta adrese, papyldu informaceja – komentars par nūtykuma vītu, karteņā radzamuos personys vuords, pavuorde, nūsadorbuošona i t.t.

Dorbi juoīsnādz personeigi voi pa postu “Latgales fotogrāfu biedrībai”, Raiņa bulvāris 9, Preiļi, LV-5301.

Telefons uzziņom – 29121689 – Igors Pličs, e-posts: lauraplus@inbox.lv

Ziņa sagataveita piec konkursa organizatoru dūtuos informacejis
Karteņa: nu LaKuGys arhiva