Izruodi “Latgola.lv” ruodeis televizejā

Izruodi “Latgola.lv” ruodeis televizejā

Skateituoju īmīļuotuo i nūvārtātuo Latvejis Nacionaluo teatra izruode “Latgola.lv” itymā sastdīnē 22.00 tiks izruodeita LTV1.

Sovukuort pyrms izruodis LTV1 21.25 raidejums “Teātris.zip”, kurā iz Nacionaluo teatra skotuvis sasatiks treis Ontoni – Uldis Dumpis, Baļtinovys školys direktors Imants Slišāns i Dailis teatra akters Pīters Līpeņš, jūs sirdsmeiluo Anne – Dace Bonāte, dramaturge Anita Ločmele (Danskovīte) i režisors Valdis Lūriņš.

Itymā pavasarī pyrmizruodi pīdzeivuoja ari izruodis ūtruo sereja “Latgola.lv 2”. Lugys varūni palykuši tī poši – Ontans i Anne, sābri Pīters i Mare i cyti personaži. Itūreiz Ontans i Anne svieteis Zīmyssvātkus i nūsadorbuos ar tautys medicinis metožu puorbaudeišonu.

Ari ituos izruodis režisors ir Valdis Lūreņš, Ontona lūmā īsajuss Uldis Dumpis ci Pīters Līpeņš, Anne – Dace Bonāte, Pītera lūmā – Voldemārs Šūreņš, Mari atveiduos Indra Burkovska, kai ari cyti akteri nu īprīkšejuos izruodis.

Karteņa: Latvejis Nacionaluo teatra publicitatis materials

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]