Daugovpiļs nūvoda Leiksnā nu 4. leidz 6. juļam jau pīktū reizi nūtiks leluokais latgalīšu muzykys festivals “Muzykys Skrytuļs”, treis dīnu laikā pīduovojūt sešus dažaidus koncertus, kurūs kūpā pīsadaleis ap 300 muziku. Festivala centralū nūtykumu veidoj treis jaunuos latgalīšu muzykys koncerti sastdiņ, 5. julī — lelajā sajiutu dīnā —, kod iz skotuvis kuops i jaunys grupys, i zynomi muziki — Kārlis Kazāks, grupys “Dabasu Durovys”, “Borowa MC”, “Bez PVN”, Eriņu i Vuorkaļu saime, “Latgolys Dāmu Pops” i daudzi cyti.

Festivala pyrmajā dīnā, pīktdiņ, 4. julī, nu 12.00 Leiksnys muižys parkā tiks veiduoti dobys i muokslys objekti paraleli nūteikūšajā muokslys festivalā “Muokslys Skrytuļs”. Objektu izveidē pīsadaleis muokslinīki Vineta Gaileite, Eva Bičkovska, Ērika Popova, Valdis Grebežs, Anita Karpenko, Alla Grineviča, Anita Jurkeviča. Sovukuort vokorā nu 19.00 izskanēs Etno muzykys koncerts, kur uzastuos folklorys kūpys “Sovvaļnīki”, “Garataka”, “Turki”, etnografiskais ansamblis “Vabaļis”, deju kūpa i kapela “Dziga”, deju kolektivi “Daugaveņa”, “Rutuļi” i latgaļu senejuos kulturys nesieji “Kroma kolna bruoleste”. Pyrmuo dīna nūsaslēgs ar večerinku, kurā dančus spielēs gosti —  lītaunīku grupa “Ratilai” (Klaipēda).

Sastdiņ, 5. julī, 15.00 nūtiks svineiga festivala “Muzykys Skrytuļs” atkluošona i suoksīs pyrmais jaunuos latgalīšu muzykys koncerts, īpazeistynojūt ar jaunuokajom vēsmem latgalīšu muzykā. Koncertā pīsadaleis Kroma kolna bruoleste, Eriņu i Vuorkaļu saime, ansambli “Skonai”, “Nagaidama prīca”, “Stage On”, “Padod Stīgu”, Dainis Adijāns, Brigita Madelāne, grupa “Lana” i folklorys kūpa “Sudobri”.

Vokora koncertā 18.00 uzastuos vairuoki muzykali projekti i muziķu apvīneibys, kai ari vokali instrumentali ansambli, kas jau pazeistamom latgalīšu dzīsmem ir radejuši jaunu skaniejumu. Itymā koncertā pīsadaleis folklorys kūpa “Ceidari” kūpā ar Kārli Kazāku, grupys “Enduring Memories”, “Trikmiņs”, “Velvet”, vokali instrumentalī ansambli “Tuvi-tāli” i “P.S. SALA”, projekts “Kapļi”, “Latgolys Dāmu Pops” ar grupu “Krampis”.

Nakts koncertā nu 21.00 pīsadaleis grupys, kuru repertuarā jau ilgus godus puorsvorā ir dzīsmis latgaliski i kurys tykušs pi plašys atpazeistameibys i panuokumu. Nakts koncertā uzastuos latgalīšu grupys “Dabasu Durovys”, “Bez PVN”, “Borowa MC”, “Sovvaļnīks”, “Green Novice”, “Krampis”, postfolklorys grupa “Rikši”, kai ari grupys, kurys  eipaši festivalam “Muzykys Skrytuļs” sovā repertuarā īkļaun dzīsmis latgaliski — “Metrs” i “Deskalighters”.

Sastdiņ, 5. julī, paraleli koncertim nūtiks ari vērtine cytu aktivitašu. Leiksnys muižys saimisteibys kuormā nu 12.00 byus apsaverama muokslinīku Evys Bičkovskys, Vinetys Gaileitis, Veronikys Tabūnis i Ērikys Popovys dorbu izstuode, bet nu 17.00 tī nūtiks festivala gostu nu Lītovys — grupys “Atika” koncerts. Leiksnys muižys parkā nu 14.00 dorbuosīs bārnu piļsieteņa ar vysaidom meistardarbneicom, kai ari omotnīku tiergs i organizaceju īla. Sportisku aktivitašu cīneituojim — izjuodis ar zyrgu sātys “Klajumi” zyrgim i iudiņa bumba Leiksnys muorkā. Sovukuort latgaļu senejūs prasmu i omotu interesentim nu 20.00 byus vareiba vāruot “Kroma kolna bruolestis” paraugdemonstriejumus Leigū laukumā.

Festivals “Muzykys Skrytuļs” nūsaslēgs svātdiņ, 6. julī, Leiksnys Vyssvātuos Jezus Sirds Rūmys katuoļu bazneicā, kur 9.30 suoksīs Svātais Mišs i 11.00 —  Goreiguos muzykys koncerts, kurā pīsadaleis varganiste Jacinta Ciganoviča, Leiksnys KN vokalais ansamblis “Elēģija”, Pecēviču saime, Kārlis Kazāks i Leiksnys Vyssv. Jezus Sirds Rūmys katuoļu bazneicys bārnu i jaunīšu kors i dzīduotuojis.

Ar seikuoku festivala programu var īsapazeit ite.

Vysūs festivala “Muzykys Skrytuļs” koncertūs i festivala “Muokslys Skrytuļs” izstuodēs īīšona ir breiva. Nakšņuošona festivala dalinīkim i apmaklātuojim — telšu piļsieteņā bez moksys.

Festivals “Muzykys Skrytuļs” ar moto “kruot var na tikai naudu” pyrmū reizi nūtyka 2005. godā, lai popularizietu latgaliskū identitati i sakmātu jaunu dzīšmu radeišonu latgaliski. Atkuortuoti festivals nūtyka ari 2006., 2007. i 2011. godā.

Itūgod festivalu “Muzykys Skrytuļs” reikoj Daugovpiļs nūvoda Kulturys puorvaļde i Leiksnys pogasta puorvaļde. Festivalu atbolsta SIA “Belwood”, SIA “LDz Cargo”, ZAB “Eversheds Bitāns”, SIA “Aldaris”, SIA “AJV grupa”, SIA “Paula 3”, SIA “Kļavas V”, ZS “Debeskalni”, ZS “Ainava”, ZS “Ziediņi”, ZS “Mantinieki”, ZS “Pļaviņas”, ZS “Ceļtekas”, ZS “Spēkoņa”. Informativī atbaļsteituoji ir “Latgales Reģionālā Televīzija”, “Latgales Laiks”, “Park hotel “Latgola””, “Latgales Radio”, portals “LaKuGa.lv”, “Artilērijas pagrabi”, t/c “Solo”.

Informaceja sagataveita piec “Muzykys Skrytuļa” organizatoru dūtuos informacejis