Atkluota Kuorsovys estrade
20. junī svineigi tyka nūslāgts Kuorsovys nūvoda, Viļānu nūvoda i Šlisselburgys piļsātys vierīneiguo projekta “FORGET A HURRY” vīns nu pūsmu, kurs sasadorbojūt pīrūbeža pošvaļdeibom, vīnuoja rodūšūs talantus kūpeigā, lela mārūga aktivitašu procesā.
Kuorsovys nūvodam nūzeimeiguo dīna tyka atkluota ar storptautiskū presis konfereņci Kuorsovys Muzykys i muokslys školā, kurā projekta dalinīki viesteja par projekta laikā padareitū i sajimtū, uzsverūt, ka itei ir bejuse breineiga pīredze i motivaceja ari iz prīšku uzturēt draudzeigys attīceibys i kūpeigi realizēt nuokūtnis projektus.
Projekta ītvorūs kotrā pošvaļdeibā tyka izveiduota voi atjaunuota kulturai nūzeimeiga telpa, Kuorsovys nūvodā tyka izveiduota breivdobys estrade, kas iz prīšku boguotynuos vītejū kulturys vidi. Estrade ir izcalta Igaunejis – Latvejis – Krīvejis Puorrūbežu sadarbeibys programys ītvorūs, kur Kuorsovys nūvoda pošvaļdeibys leidzfinansiejums ir EUR 114514.02 .
Atkluojūt Kuorsovys estradi, storptautiskī gosti vīnuojuos kūpeigā koncertprogramā, dūdūt skateituojim boguoteigu kulturys kontrastu kluostu. Koncertu atkluoja kuorsovīši ar latvīšu tautu deju ritmim i skaneigajim latgalīšu bolsim. Ūtrajā koncerta daļā uzastuoja Viļānu muokslinīki, deju kolektivs “Austra” i vokalais ansamblis “Sudaruški”. Koncerta nūslādzūšajā daļā uzastuoja kūšī Krīvejis – Šlisselburgys deju muokslinīki, vokalī talanti i jaunīši ar teatralim i akrobatiskim izvadumim.
Gosti nu Viļānu i Šlisselburgys tyka īpazeistynuoti ar latvīšu saulgrīžu tradicejom Malnovys muižys parkā. Atainojūt myusu uzjiemiejdarbeibys vidi tyka apmaklāta zīmys syltumneica “Mežvidu tomāti”, kur gosti tyka īpazeistynuoti ar jaunajom tehnologejom i syltumneicys specifiku.
Projekta “FORGET A HURRY” ītvorūs tyka organizietys storptautiskys meistarklasis literatim i muokslinīkim, kur kūpeigi tyka veiduots materials dzejūļu kruojumam i škārsteikla lopys shlb-library.livejournal.com izveidei, kurā periodiski teik īvītuota autoru literari – muokslinīciskuo jaunrade.
Kuorsovys breivdobys estrade ir topuse Igaunejis – Latvejis – Krīvejis puorrūbežu sadarbeibys programys Eiropys sābru attīceibu i partnereibys instrumenta ītvorūs 2007-2013 projekts Nr. ELRII 359. Vīnam nu projekta pūsmim nūsaslādzūt, teik pavārtys jaunys durovys tuoluokim nuokūtnis sadarbeibys planim.
Igaunejis – Latvejis – Krīvejis Puorrūbežu sadarbeibys programa Eiropys sābru attīceibu i partnereibys instrumenta ītvorūs 2007 – 2013 finansiali atbolsta kūpeigus puorrūbežu atteisteibys pasuokumus, lai uzlobuotu regiona konkurētspieju, izmontojūt tuo potencialu i izdeveigū atsarasšonys vītu krystceļūs storp ES i Krīvejis Federaceju. Programys sātys lopa: www.estlatrus.eu.
