Itymā Latgolys apceļuošonys stuostā Daugovpiļs Universitatis docents Valentins Lukaševičs myus īpazeistynoj ar krītna latvīšu pusgraudnīka Juoņa Stabuļnīka mozmeitu Ilzi Stabuļneicu, kura turpynoj vactāva gūda pīnuokumu, uzturēt skaistu i sakūptu Latvejis Austrumu pīrūbežu. 1938. godā realizietuo Kārļa Ulmaņa regionaluo politika nūzeimuoja ari pīrūbeža zemu daleišonu styprom saimem, kas apsajam sakūpt i uzturēt skaistu Latvejis Austrumu pīrūbežu. Juoņs Stabuļnīks sovā īpašumā dabuoja zemi, kas atsarūn Augšzemē, niu Kruoslovys rajona Kaplovys pogostā. Jaunais saiminīks audzynuoja 9 bārnus, izcēle sātu, zyrgu klāvu, pierti. Itūšaļt vyss kai tūreiz, partū ka tradiceju turpynoj juo mozmeita Ilze kūpā ar sovu saimi i paleigim. Stallī ir zyrgi, teik realizieti projekti, kas atteista vidi, saglobojūt nūvoda tradicejis i pīruodūt, ka sevkura Latvejis vīta, var byut par sapynu pīpiļdejumu, partū ka dūd i vareibu struoduot i nūdrūšynuot kvalitativu dzeivi, i emocionalu baudejumu i atpyutu.