Divejis dīnys – 9. i 10. augustā Bolvu nūvoda Tiļžā zyrgu sātā “Kapulejas” nūtiks saceņseibys aizjiugu braukšonā i trauciekļu puorvariešonā. Atseviškā klasē saceņseibuos pīsadaleis ari bārni vacumā nu 10 leidz 16 godim.

Bīdreiba “Sudraba pakavi” i Latvejis Juotnīku federaceja jau sastū godu organizej zyrgu aizjiugu braukšonys Latgolys pūsma saceņseibys Tiļžā, kurys ir vīneiguos oficialuos saceņseibys Latgolys regionā. Tamuos pīsadaleis braucieji nu vysu Latvejis regionu, kai ari braucieji nu Igaunejis i Lītovys.

Unikalys Latgolys regiona saceņseibys, dzeivuo muzyka i breineiga atmosfera, saskarsme ar zyrgim i saceņseibys gors vylynoj iz pasuokumu symtim saimu ar bārnim. Organizatori sūlej ari bezmoksys īīšonu, ītiļpeigu sporta laukumu i ārtu izvītuojumu, vareibu vīglai tikt leidz saceņseibu nūrisis vītai ar sevkura veida transportu.