16. augustā Bolvūs svieteis Bolvu nūvoda svātkus “Kruosu mozaika”, kurūs byus vareiba redzēt i baudeit Bolvu nūvoda kolektivu kruosainūs fantazeju liduojumus – i prīšknasumus, i tautys muokslys kolektivus nu sadraudzeibys piļsātu Igaunejā, Boltkrīvejā, Lītovā, kai ari naizpaliks svātki bez pateikamu puorsteigumu. Nu reita Bolvu piļsātys parkā byus tierga ļustis, pogostu izveiduotūs “zaļūs vuortu” izstuode i atrakcejis bārnim.

Nūvoda svātki suoksīs 11.30 ar Svātū šaļti i Tautys pyutieju orkestra “Balvi” goreiguos muzykys koncertu Bolvu Evaņgeliski luteriskajā bazneicā.

13.00 Nūvoda bārnu, jaunīšu koncerts “Bierneibys sapynā, kur saulis tik daudz” Bolvu piļsātys parka estradē.

14.30 “Lauki ībrauc piļsātā” laukumā pi Bolvu Kulturys i atpyutys centra, kur skateituojus prīcynuos Orkestropeds aba Braucūšuos klavīris ar profesionalim muzikim i tiks apbolvuoti konkursa “Sakūptuokais īpašums 2014” uzvarātuoji.

16.30 Svineiga sadarbeibys leiguma nūsliegšona ar Lītovys Kupišku rajona pošvaļdeibu. Bolvu nūvoda Dūmis prīšksādātuojs Andris Kazinovskis i Kupišku rajona Dūmis prīšksādātuojs Jonas Jarutis paraksteis sadarbeibys leigumu, kas paradz izveiduot draudzeigys attīceibys i sadarbeibu storp obejom pošvaļdeibom, kab veicynuotu lobvieleigys vidis veiduošonūs ekonomikys i uzjiemiejdarbeibys atteisteibai, atbaļsteitu sadarbeibys kontaktu veiduošonu storp dzeivuotuojim, sabīdryskajom organizacejom, institucejom i uzjāmumim sporta i turisma jūmuos, veicynuotu pīredzis apmaiņu izgleiteibā i kulturā, sasadorbuotu informacejis i pīredzis apmaiņā socialuos apryupis jūmā, veicynojūt dzeivuotuoju lobkluojeibys leimeņa paaugstynuošonu i pylnveidojūt dūtū pakolpuojumu kvalitati.

Piec tam Bolvu nūvoda pogostu i piļsātys sasasaukšona – muzykals uzvadums “Mēs ejam pa atspulgiem ūdenī…” Bolvu piļsātys parka estradē.

19.40 Svātku guojīņs “Vysys kruosys, kūpā!” nu laukuma pi Bolvu Kulturys i atpyutys centra.

20.00 Svātku nūslāguma sareikuojums “Ar mīlesteibu dzeivojūt!” Bolvu piļsātys parka estradē, kura laikā tiks gūdynuoti Bolvu Gūda pylsūni, padūti Bolvu nūvoda Dūmis Atzineibys roksti i uzastuos Valmīrys Dramys teatra dzīdūšūs akteru ansamblis “Žerāri” i sadraudzeibys piļsātu kolektivi nu Igaunejis, Lītovys i Boltkrīvejis. Sareikuojumu vadeis Zane Jančevska i Viktors Zemgals.

23.00 Zaļumbals, muzicēs grupa “Zenīts”. Īīšona vysūs pasuokumūs bez moksys.

Paraleli Bolvu nūvoda svātkim Bolvu piļsātys stadionā nūtiks ari Latvejis Minifutbola čempionata MĪTAVA OPEN 2014 Bolvu atlasis pūsms.