Kaidu laiceņu atpakaļ beja īspieja dasaceit sev tyvu gruomotu raidejuma „Lielā lasīšana” veiduotajam Latvejis īdzeivuotuoju meiluoku gruomotu sarokstam. Tyka nūskaidruotys 100 meiluokuos gruomotys, nu tom nuokušajā bolsuošonys kuortā tyka atlaseita 21 gruomota. Storp itū 21 gruomotu ir ari latgalīšu literata Juoņa Klīdzēja saraksteituo gruomota „Cilvēka bērns”, kurā atsakluoj autora pīdzeivuotais berneibā Latgolā i nūvodam rakstureiguos sovpateibys.

Nu 27. septembra leidz 7. novembram ar gruomotu TOP 21 tykušajom gruomotom skateituoji tiks īpazeistynuoti tyvuok iknedelis raidejumā. Pyrmais raidejums jau itymā sastdīnē LTV1 18:35. Piec tam tiks izveiduots gruomotu TOP 5 i 16. novembrī, raidejuma finalā, telefonbolsuojumā nūskaidruos, kura gols golā ir Latvejis īdzeivuotuoju meiluokuo daiļliteraturys gruomota.

Ite skaiti LaKuGys rokstu par J. Klīdzēja dzeivis guojumu.

Viesti sagataveja: LaKuGa piec LTV 1 materialim