8. oktobrī 15.00 Daugovpiļs Nūvodpietnīceibys i muokslys muzejā (DNMM) teik atkluota gleznīceibys izstuode “Atver dvēseles un gara acis” nu DNMM fondim.

Muzeja apmaklātuojim teik dūta vīnreizeiga vareiba īsavērt Daugovpiļs muzeja kruojumā, radzūt dīnys gaismā izcaltu nalelu daļu nu gleznīceibys boguotuos kolekcejis.

Ekspozicejā īkļautī dorbi ir radeiti vysaidūs laika pūsmūs, suocūt nu 1970. godim, kod Daugovpilī struoduoja talanteigu muokslinīku grupa, kurys kūdulu veiduoja gleznuotuoji: Inta i Kārlis Dobrāji, Mārcis Stumbis, Leonīds Bauļins, Valda Mežbārde i cyti. Daudzi aizguoja, cyti pīsapuļcēja kluotyn. Aizeimūt vīnai paaudzei, veiduojuos nuokušuos, i kotra jauna paaudze īnese muokslys telpā koč kū pavysam jaunu i nagaideitu, mārojūt ceļu nu klasikys leidz modernismam. Ituo ceļa līceibys ari byus radzamys izstuodē “Atver dvēseles un gara acis”.

Izstuode byus apsaverama leidz 2015. goda 31. martam.