Dzeivuos muzykys grupu festivals “Savējie 2014” Kubulu KN

Dzeivuos muzykys grupu festivals “Savējie 2014” Kubulu KN

7. novembrī Bolvu nūvoda Kubulu kulturys nomā tiks organizāts ūtrais dzeivuos muzykys grupu festivals “Savējie 2014” .

Festivala pamatideja ir sapuļcēt Bolvu pusis grupys, kas spielej bez fonogramu paleidzeibys, naatkareigi nu muzykys stila. Pyrmais festivals paguoja cīši aizraujūšā i energiskā jutūnē. Aicynuojumam atsasauce 9 grupys, kuru dalinīku dzeivisvīta itūšaļt voi nazkod ir bejuši Bolvu i Vileks nūvodi. Itūgod nadaudz teik maineita koncepceja. Nav tik svareigi, kurā nūvodā voi piļsātā muziki atsarūn, nu byutiskai ir puorlīceiba uzastuot reali spielejūt “dzeivajā”.  Pamatu ari itūgod veiduos Bolvu pusis grupys, nu byus ari gosti nu cytim Latvejis nūvodim. Svareigais festivalā ir veiduot kūpeibys sajiutu, paruodūt sevi publikai, apsaverūt cytu veikumu i radeit vīnreizeigu sajiutu gammu, kū var dūt patīsa atdeve iz skotuvis.

Taišni taipat kai pyrmajā nūtikšonys reizē, ari itūgod festivalā “Savējie 2014” byus vareiba redzēt devenis dažaidys grupys. Tuos ir grupys Ceļā (Reiga/Bolvi) , Dumplings (Bolvi), Unknown Artist (Upeite), Intriga (Guļbine), Mani Mākoņi & Dagmāra Laicāne (Bolvi),  Šudiņ 5cūs (Rēzekne), Napruots (Rekova). Festivala gostu statusā Kristīne Šomase ar pavodūšū sastuovu i grupa, kurys vuords leidz festivalam natiks izpausts, partū ka tys byus puorsteigums apmaklātuojim. Kotra grupa uzastuos ar pusstuņdi garu programu. Tū izpiļdejumā byus dzierdamys i originaldzīsmis, i latviešu šlagera i pop muzyka, kai ari  latgaliskuos rock muzykys intonacejis i pasauļa popmuzyka. Piec grupu uzastuošonys paradzāts ir ari Jam Session. Darbeiba nūtiks iz diveju ar kvalitativu skaņu i gaismu apreikuotu skotuvu. Dorbuosīs kopejneica.

Nadaudz piec pusnakšu nūtiks puorsteigumu lotereja, kur apmaklātuojim byus vareiba laimēt 3 stileigus sorkonys kruosys Philips CD atskaņuotuojus. Īīšonys moksa festivalā Eur 5.00 (Ls 3.50).

afisa2014_SAVEJIE

Kalenders

Jan
15
Tre
15:00 Izstuodis “Divi fotogrāfi – dažā... @ Latgolys Kulturviesturis muzejs
Izstuodis “Divi fotogrāfi – dažā... @ Latgolys Kulturviesturis muzejs
Jan 15 @ 15:00 – 16:00
Rēzeknis fotografi Ivars Daugulis i Eduards Utāns apvīnuojuši vīnā izstuodē diveju žanru fotografejis. Ivars Daugulis bīžuok sova fotoaparata objektivu pavierš ainovys vierzīnī, giunūt šaļts i dobā, i piļsātys vidē. Sovpus Eduarda Utāna fokusā itūreiz sīvīšu[...]
18:00 Starpbrīdis – Andrim Keišam 50 @ Muzykys noms "Daile"
Starpbrīdis – Andrim Keišam 50 @ Muzykys noms "Daile"
Jan 15 @ 18:00 – 20:00
Andris Keišs: “Jau divdesmit ostoitū godu es i iz skotivis, i kameru prīškā izdzeivoju svešys dzeivis. Tys aizjam lelu daļu munys dzeivis. Ka vokorūs, izruožu laikā, tuos svešuos dzeivis teik dzeivuotys, tod nu reitu mieginuojumūs[...]