Nu 14. novembra Daugovpiļs Marka Rotko muokslys centrā byus īspiejams apsavērt pīcys jaunys izstuodis, kuru vīnuojuošais motivs kruosu, kompoziceju i emoceju leimenī ir saisteits ar zemi.

Bryunī i zalta tūni caurvynās Borisa Bierzeņa dorbūs, izstuodē nu LNMM kolekcejis. “Zemis izstuožu sezona” pīduovuos centra apmaklātuojim īskotu ari lītaunīku muokslā ar Vaidota Januļa grafikys izstuodi “Atmiņu kruotuve” i Lītovys muokslinīku savīneibys izstuodi “Lītovys muokslys telpa”, kur byus apsaverami grafikys, keramikys, gleznīceibys i tielnīceibys tehnikuos veiduotī muokslys dorbi, aktualizejūt “zemis” tematiku storpvaļstu leimenī. Sovukuort grafikis Anitys Nikuļcevys dorbi byus radzami izstuodē “Četri godalaiki”. Jaunajā izstuožu sezonā varēs apsavērt ari tekstila miniaturu izstuodi “Cītūkšņa vaļni”, ituos izstuodis muokslys dorbi tyka radeiti Daugovpiļs Marka Rotko muokslys centrā, storptautiskuos tekstilmuokslys rezideņcis ītvorūs, kura nūsarysynuoja nu 3. leidz 13. novembram.

Vysi interesenti teik aicynuoti apmeklēt “zemis izstuožu sezonys” atkluošonys pasuokumu 14. novembrī 16.00 Daugovpiļs Marka Rotko muokslys centrā. Nu 15.30 leidz 16.30 īīšona pasuokumā byus bez moksys.