Latgalīšu muziki aktivi pīsadola vysaidūs muzykys topūs i aptaujuos i popularuos, i šlāgermuzykys, i alternativuos muzykys topūs i aptaujuos. LaKuGa apkūpoj vareibys jūs atbaļsteit.

Latvejis Radejis 2 organizātajā “Muzykalajā bankā” pīsadola grupys “Dabasu Durovys” i “Bez PVN”. Eipaši labi panuokumi niu ir “Dabasu Durovom”, kuru dzīsme itamā nedeļā tykuse 3. vītā, sovukuort “Bez PVN” aptaujā pīsadola ar dzīsmi “Loopi”. Par dzīsmem var bolsuot ite.

Vareiba atbaļsteit “Dabasu Durovys” ir ari “Chaula Music TOP 5”, kurymā pīsadola dzīsme “Grēku fani”. Par tū var bolsuot ite.

Sovā pyrmajā Latvejis mārūga topā tykuši ari “Kapļi”, kuru jaunuokuo dzīsme “XXL” īkļauta radejis NABA Latvejis TOP 10. Bolsuot var ite (“Kapļi” atrūnami ar nūsaukumu “Die Mattocks”).

Aktiva vys ir ari Latgolys šlagermuziku daleiba Latvejis Šlāgeraptaujā i Dzintara Dzīšmu aptaujā. Latvejis Šlāgeraptaujā pīsadola Tihovsku saime ar dzīsmi “Dāvāja Māriņa”, Jurs Ostrovskis i “Dvinskys muzykanti” ar dzīsmi “Dzymtuo puse”, “Mūzikas kolekcija”, Irēna Ancāne i “Liedags” ar dzīsmi “Latgaliešu kāzas”, “Drycānu Dominante” ar dzīsmi “Latgalīts zalta zyrgā”, Daiņs Skuteļs&Bel Canto ar dzīsmi “Neviens nav ideāls”, “Boltī luoči” ar dzīsmi “Pacel glāzi priekam”, Aldis Kise ar dzīsmi “Skaista vienkāršība”, kai ari Inga i Normunds ar dzīsmi “Viens rīts”. Par dzīsmem var bolsuot ite.

Sovukuort “Dzintara dzīšmu” aptaujā pīsadola Slavanais Jersikys orkestris ar dzīsmi “Vakarā”, kai ari “Laimas muzykanti” ar dzīsmi “Vokors īt”. Jūs atbaļsteit var ite.