Vakar, 9. decembrī, tradicionalajā Latvejis Radejis 2 reikuotajā dzīšmu aptaujā “Muzykaluo Banka” paziņuotys 25 “vierteiguokuos” dzīsmis, kas turpynuos ceiņu par klauseituoju goda meiluokuos dzīsmis gūdu. Itūs dzīšmu vydā ari grupys “Dabasu Durovys” kompoziceja “Sejas grāmata”.

Nūslāguma bolsuojums nūteik divejuos kuortuos: leidz 30. decembram  (1. kuorta) īspiejams bolsuot par vysom 25 dzīsmem, nu kuru 10 dzīsmis tuoluokai ceiņai nasakvalificēs, bet nu 1. janvara leidz 15. janvarim (2. kuorta) – par 15 lobuokajom. Bolsuot par goda vierteiguokū dzīsmi īspiejams kotru dīnu reizi dīnā par 1 dzīsmi:

 – muzikalabanka.lv (bolsuojumu apstyprynoj,  izmontojūt socialūs teiklu paroli)

 – portalā nra.lv (bolsuojumu apstyprynoj ar IP adresi)

–  portalā draugiem.lv (portala lītuotuoji)

Veiksmeiguokī bolsuotuoji sajims kruiza ceļuojumu kūpā ar draugim iz Stokholmu nu Tallink.

15 vierteiguokuos dzīsmis byus vareiba dzierdēt dzīšmu aptaujis apbolvuošonys ceremonejā, kas tradicionali nūtiks Olimpiskajā centrā “Ventspiļs” 24. janvarī . Tīšraide LR2 i LTV1.

Tradicionali vierteiguokū dzīsmi nūsaceis klauseituoji (50%) i “Muzykaluos bankys” ekspertu padūme (50%), kas veiduota nu profesionālim, ar aptaujis finaldzīsmem nasaisteitim muzikim, kuri ar sovu daleibu kuplynuos ari apbolvuošonys ceremonejis šovu. Itūgod ekspertu padūmē dorbojās dirigents, Pasauļa koru olimpiadis muokslinīciskais vadeituojs, Latvejis Muzykys akademejis profesors Romāns Vanags, operdzīduotuoja Sonora Vaice,  komponists i muzikis Jānis Ķirsis, muzikis, komponists i producents Ingus Ulmanis, komponists Gunārs Freidenfelds, džeza dzīduotuoja i vokaluo pedagoge Inga Bērziņa, gitarists i komponists Armands Alksnis, muzikis, komponists i producents Atis Auzāns, kai ari muzykys producents Armands Rušenieks i muzykys žurnalists Sandris Vanzovičs.

Finala bolsuojumā tykušys itaidys dzīsmis:

2 pasaules – Jānis Stībelis un Marta Ritova
Ceļš uz mājām – Rassell un Sabīne Berezina
Debesis karstas – Igo
Kur un kā – Opus Pro
Lai kas arī nenotiktu – Marta Ritova un Emīls Balceris
Lai rausi – Olga Rajecka
Mani vēl – RYGA un Ērika Eglija
Mans ceļš – Ivo Fomins
Mājas – Artūrs Duboks un Ainars Virga
Nāk un padzeras – Ūdris & Balode
Nelaid projām – Roberts Pētersons
Pāriet bailes – Dons
Pieskāriens – Mārtiņš Ruskis
Rozes zieds – Ainars Virga
Santa – DigiDing
Sejas grāmata – Dabasu Durovys
Sekundes – Musiqq
Slāpes – Jānis Bukums
Soļi – Aija Andrejeva
Tas nekad nepāries – Andris Kivičs, Aminata Savadogo, Rihards Bērziņš, Ravita Kreicberga
Varu būt – Jenny May
Vēstule no Parīzes – Andris Ērglis
Zilonis – Astro’n’out
Zīmes pašiem jāatmin – Lauris Reiniks