Eiropys puorrūbežu projekta „Arheoloģija, vara un sabiedrība: sadarbība arheoloģisko pieminekļu aizsardzībā” ītvorūs 2014. godā LU Latvejis viesturis instituta arheologi pīsadola dorbu izdūšonā arheologiskūs pīminekļu i arheologejis zynuotnis populariziešonai, leidzeigi kai tū dora projekta partneri Igaunejā i Krīvejā. Projektā izdūtūs informativūs brošuru serejai dūts kūpeigs viersroksts „Atslēga uz pagātni”.

Arheologejis pīminekli ir naatjaunojami viesturis olūti, i tī napīder tik myusu dīnu sabīdreibai. Mes asam atbiļdeigi par ituo kulturys resursa nūdūšonu cytom paaudzem. Pādejūs godu laikā arheologiskajim pīmineklim nūpītnu apdraudiejumu roda senvītu izrakņuošona ar mierki dabuot senlītys privatkolekcejai ci tuoļuokpuordūšonai, kas ir administrativi i kriminali sūdomys darbeibys. Kab nūvārstu vaļsts (=myusu!) eipašuma pūsteišonu, vajadzeiga sabīdreibys leidzdaleiba. Serejā „Atslēga uz pagātni” izdūtuos brošurys ir vīns nu instrumentu, kai vairuot sabīdreibys zynuošonys par kulturviesturiskajom vierteibom, kas tai pīdar, i veicynuot tuos leidzdarbeibu arheologiskūs pīminekļu aizsardzeibā.

Itamā serejā kai vīns nu pyrmajim izdavumim Latvejā pīmynams arheologu Tatjanys Bergys i Madarys Petrovys kūpdorbs „Ludzas novada arheoloģijas pieminekļi”. Informativajā brošurā koncentrātā veidā apkūpuotys viests par arheologiskūs pīminekļu izpietis viesturi Ludzys nūvodā, nūzeimeiguokajim atrodumim i zynuotnīku secynuojumim. Kluotyn boguoteigajam ilustrativajam dalykumam brošura satur informaceju par Ludzys piļsātā i Ludzys nūvodā ītylpstūšajūs deveņūs pogostūs asūšajim arheologiskajim pīmineklim – senejom dzeivisvītom, apbedejuma vītom, kulta vītom i depozitim.

Brošurys olūtu bazi veidoj Kulturys ministrejis Vaļsts kulturys pīminekļu aizsardzeibys inspekcejis Arheologiskūs pīminekļu arhiva, Latvejis Nacionaluo viesturis muzeja i LU Latvejis viesturis instituta Arheologiskūs materialu kruotuvis materiali, kai ari zynuotniskuo literatura i projekta dalinīku veiktuo pīminekļu apsekuošonys dorba (2014) dati. Ar mierki sasnēgt piec īspiejis leluoku auditoreju buklets izdūts divejuos volūduos – latvīšu i angļu. Brošura ir bezmoksys izdavums. Projektam beidzūtīs, brošurys tiks duovynuotys Ludzys nūvodpietnīceibys muzejam, nūvoda školānim i cytim interesentim.

Igaunijas – Latvijas – Krievijas Pārrobežu sadarbības programma Eiropas kaimiņattiecību un partnerības instrumenta ietvaros 2007 – 2013 finansiāli atbalsta kopīgus pārrobežu attīstības pasākumus, lai uzlabotu reģiona konkurētspēju, izmantojot tā potenciālu un izdevīgo atrašanās vietu krustcelēs starp ES un Krievijas Federāciju. Projekta kopējais budžets: 1 714 515, 66 eiro. Programmas līdzfinansējums: 1 520 731, 16 eiro (88.7 %). Projekta līdzfinansējums: 193 784, 50 eiro (11.3 %). Programmas mājaslapa: www.estlatrus.eu.

Šis raksts tika izveidots ar Igaunijas – Latvijas – Krievijas Pārrobežu sadarbības programmas Eiropas kaimiņattiecību un partnerības instrumenta ietvaros 2007 – 2013. finansiālo atbalstu. Par šī dokumenta saturu pilnībā atbild Latvijas vēstures institūts, un tas neatspoguļo Programmas, iesaistīto valstu un Eiropas Savienības oficiālo viedokli. LU Latvijas vēstures institūts lvi@lza.lv