Reigā nūtiks Zīmyssvātku koncerti ar Ilonys Rupainis sagataveitu programu

Reigā nūtiks Zīmyssvātku koncerti ar Ilonys Rupainis sagataveitu programu

24. decembrī 15.00 i 25. decembrī 14.00 Lelajā gildē nūtiks Zīmyssvātku bezmoksys koncerti, kurys tradicionali sovim klauseituojim duovoj Reigys kamerkors “Ave Sol”.

Itymā godā, sasadorbojūt ar komponisti i aranžātuoju Ilonu Rupaini, ir radeita jauna programa, kurā skanēs i skaistuokī cyttautu Zīmyssvātku meļdeni, i interesantys latgalīšu i latvīšu tautysdzīšmu apdaris, i komponistis originaldzīsmis.

Koncerta dalinīki:
Reigys kamerkors AVE SOL, solistis Agnese Urka i Baiba Urka, Einārs Lipskis (tausteni), Toms Lipskis (kontrabass), Mārcis Lipskis (mandolina), Pīters Daugulis (stabule), Liene Brence (vejūle), Vadims Meļuščenkovs (sytaminstrumenti), Igors Čistjakovs (gitara).
Dirigents Andris Veismanis

Īīšona koncertūs ar bezmoksys īlyugumim, kas nu 15. decembra dorbdīnuos nu 10.00 leidz 18.00 sajamami tik Reigys Kongresu noma “Biļešu paradīzes” kasē.

Kalenders

Mar
14
Pīk
14:00 Seminars par Latgolys kulturys p... @ tīšsaistē
Seminars par Latgolys kulturys p... @ tīšsaistē
Mar 14 @ 14:00 – 15:00
Latgolys regiona atteisteibys agentura izsludynuojuse Vaļsts kulturkapitala fonda mierkprogramys “Latvīšu viesturyskūs zemu atteisteibys programa” projektu konkursā atbaļsteituos Latgolys kulturys programys 2025 regionalūs kulturys projektu konkursu. Informativais seminars par projektu konkursu nūtiks 14. martā 14.00 stuņdēs,[...]