„Austrumlatvijas literārā akadēmija”, kad dorbojās ar Daugovpiļs Universitatis Humanitaruos fakultatis pasnīdzieju iniciatīvu i Latvejis Rakstnīku savīneibys atbolstu, uzjam jaunus dalinīkus. Iz nūdarbeibom ir aicynuoti autori, kas roksta latviski, krīviski, pūliski i ari latgaliski. Nūdarbeibuos nūtiks dūmu apmaiņa par jaunu uzraksteitim tekstim, kai ari meistardarbneicys, kas mudynuos iz jaunim poetiskim izaicynuojumim. Kūpeigi literaruos akademejis dalinīki paplašynuos zynuošonys par pasauļa i Latvejis literarajom nūtikšonom, myusu dīnu literaturu, literarajim žanrim i muokslinīciskuos izteiksmis leidzeklim. Meistarklasēs byus īspieja dzierdēt dažaiduos volūduos rokstušus profesionalus Latvejis autorus.

Nūdarbeibys nūtiks 2 reizis mienesī, pīktdiņu piecpušdīnēs ci sastdinēs. Nuokamuo nūdarbeiba nūtiks 10. janvarī, 11:30 stuņdēs, Daugovpiļs Universitatē (Vīneibys ūļneica 13), 113. telpā. Nūdarbeibu vadeis Latvejis Rakstnīku savīneibys literarais konsultants, rakstniks i publicists Aivars Eipurs.

Kontaktinformaceja dasacejumim i konsultacejom: e-posts aladu@inbox.lv; tel. 27199046. Dasasokūt juonūruoda vuords i pavuorde, telefona numurs, e-posts, kaidā volūdā/volūduos autors roksta.