Latgalīši pretendej iz Muzykys īrokstu goda bolvu
Paziņuoti Muzykys īrokstu goda bolvys „Zelta Mikrofons” 2014. goda nominanti 18 kategorejuos, storp tim ari latgalīšu muziki.
17 kategorejuos „Zelta Mikrofona” nominantus nūsoka profesionala žureja 50 muzykys ekspertu sastuovā. I tikai vīnā kategorejā uzvarātuoju nūsoka tautys bolsuojums, tys ir tierdznīceibys parka „Alfa” apmaklātuoju bolsuojums. Sovukuort radiohitu nūsoka bīdreiba „Latvijas Izpildītāju un producentu apvienība”, vodūtīs piec radiostaceju īsnāgtojom atskaitem par 2014. godā atskaņuotajom dzīsmem.
Nu latgalīšu muzikim bolvai nomināti:
„Padebeši” – „Green Novice” nominacejā Lobuokais metala i rock albums;
„Bāka” – „Dabasu Durovys” nominacejā Lobuokais pop-rock albums;
„Pa Pyrmam” – postfolklorys grypa „Rikši” nominacejā Lobuokais tautys ci pasauļa muzykys albums;
„Padebeši” – „Grnee Novice” nominacejā Lobuokuo debeja.
Ar pylnu bolvys pretendentu sarokstu var īsapazeit Goda bolvys sātys lopā.
Bolvu svineiguo padūšonys ceremoneja nūtiks 24. februarī Latvejis Nacionalajā operā.
