Žurnala A12 ituo gods pyrmajā numerī teik vaicuots, kur sliepās cylvāka spāks. Zemnīki bruoli Zuji skaita, ka vīnam ūtru atbolstūt, var panuokt daudz. Sergejs Maksimovs, pīrūbeža piļsātys Viļakys vadeituojs vysā redz Dīva planus i atbolstu. Žurnalā saruna ar lītaunīku profesoru Alvīdu Butkusu par Latvejis i Lītovys tautu draudzeibu. Teik apmaklāta nūmaļuokuo vīta Latvejā storp Bierzpili, Rēzekni i Lubuonu Klajūtņu pūrā, īpazeita Inta Uškāne i juos trešais variants. Ekskluzivai – moz zynomys viesturiskys pīturys i senejis piļsātu kartenis – Valentins Lukaševičs par Kruoslovys sanatoreju. Kai spāku raksturoj dzīsmē i tradicejā – Baļtinovys etnografiskuo ansambļa dzīduotuoja Anna Mežule i rodūšuos Kuržys. Sūmu i latgalīšu tautys i atteisteibys kūpsakareibys pietej Ivars Matisovs ceļuojumā apleik Baļtejis jiurai. I Ilmārs Rimšēvičs par tū, ka globalajā saceņseibā uzvar cylvāka pruots i lobys idejis.

Žurnals “A12″ – pozitivi par cylvākim Latgolā i pasaulī.