Jauna izstuožu sezona Rotko muokslys centrā
Daugovpiļs Marka Rotko muokslys centrs aicynoj apmeklēt jaunuos izstuožu sezonys atkluošonu 13. februarī 16.00. Byudamys filozofiskys, nadaudz nūpītnys i vīgli patriotiskys, jaunuos sezonys izstuodis runuos ar skateituoju par pamatvierteibom – saimi, mīlesteibu, dzimtini…
LATVEJIS AINOVA (13.02.2015.- 12.04.2015.) – pīcu Latvejis laikmeteiguos autorfotografejis stuostu kūpums. Izstuodis vierstema ir ainova, kas ir viersma kontemplativam skatīņam, skotuve sovpatnai voi kasdīniškai nūtikšonai, kai ari, prūtams, katalizators individa tapšonai par tū, kas jis palīk kaidys konkretys ainovys īskauts. Itī pīci fotostuosti īskicej jaunu paradigmu Latvejis autorfotografejā, kurai ir rakstureiga nūsaviersšona nu konvencionali skaistuo i pīsaviersšona kasdīniškajam, personeigajam i it kai nasvareigajam ainovā.
VUORTI IZ KŪRZEMI (13.02.2015.- 12.04.2015.)- ir 2014. goda Kūrzemis muokslys i dzejis dīnu ceļojūšuo izstuode, kas apkūpoj vysdažaiduokūs muokslys veidus i atškireigys muokslinīku paaudzis, paruodūt muokslys vierzeibu, kas aktuala itymā Latvejis regionā. Tei dūs nalelu īskotu muokslys procesūs, kurus īdvasmoj muokslinīki, kas sovu īdvasmu rūn Kūrzemē.
ČETRYS IZSTUODIS (13.02.2015.- 12.04.2015.)- Vijis Zarenis, Kaspara Zareņa, Paulys Zarenis i Martys Zarenis-Gelzis patstuoveigi veiduotys personalizstuodis, kotra ar sovu, autora izvierzeitu rodūšū aizdavumu i stuostu. Sovukuort projekta leluokais izaicynuojums – i ekspozicejuos, i interpretacejuos ir turētīs drūsā attuolumā nu saimis i Zareņu dzymtys sentimenta i pīsavērst tik muokslai.
TELEVIZEJA. MES ASAM SOVEJĪ (13.02.2015.-01.03.2015) – muokslys foto izstuode par gūdu Latvejis Televizejis 60. dzimšonys dīnai, kurā Valta Kleina fotografejuos, īmyužynuotys 14 spylgtys LTV personeibys, kurys simbolizej vysaidus laikus, nu vīnuotys i namaineigys sabīdryskuo medeja vierteibys i nasaraunamū saikni ar sovu vaļsti i tautu.
