Kolnasāta 21. februarī
Itūreiz raidejumā par prāvestu Julianu Butānu, kurs 77 godu vacumā vys vēļ pats loboj sovu mašynu i roksta dzeju. Pi juo iz Stolerovu Rēzeknis nūvodā devēs Renāte Lazdeņa. Pyrma nūsaukti Latgalīšu kulturys goda bolvys “Boņuks 2014” sajiemieji, Valentina Lukaševiča vuordineicā klausomēs, kū Boņuks saceja Juoņa Streiča kinā “Cylvāka bārns”. Sovukuort Teņs Bikovskis pīsavierš veseleibys sistemai Latgolā, juo īrokstā par tū, kaidi medicinys specialisti i izmekliejumi pīejami Latgolā i kai regionu dzeivuotuojim tūs sajimt.
Raidejumu klausīs ite.
