Preiļūs byus vareiba aizdūt vaicuojumus Juram Vucānam
15. martā 15.00 Preiļu alternativuos kulturys atbolsta centrā (PAKAC) nūtiks jau tradicionaluo naformaluo tikšonuos “50 jautājumi”. Itūreiz tuos gosts byus SIA “Sātys” eipašnīks, kai ari grupys “Bez PVN” dalinīks Jurs Vucāns.
Pasuokums nūtiks omuleigi, napīspīsti i sylti Rūtys Pastaris muzykys pavadejumā. Jurs tuo laikā atbiļdēs i iz PAKAC bīdru sagataveitajim nūpītni nanūpītnajim i sevkura cyta pasuokuma dalīnīka vaicuojumim.
Ka kaids gryb aizdūt vaicuojuma pasuokuma gostam, nu ir cīši kautreigs voi ari navar tikt iz pošu nūtikšonu, tū var izdareit ari škārsteiklā.
