Grupa “Galaktika” marta beiguos suokuse sovu pyrmū Vyslatvejis koncertturu, kurā byus vareiba dzierdēt na tik jau grupys popularuos dzīsmis, nu ari jaunus skaņdorbus, kai ari tautysdzīsmis.

“Galaktika” ir vīna nu Latvejis popularuokūs šlāgergrupu, kas divejis reizis piec kuortys tykuse pi uzvarys “Latvejis Šlāgeraptaujā”, kai ari pyrms goda svietejuši uzvaru “Dzintaru dzīšmu” aptaujā.

Grupys dalinīki Normunds Zušs i Vitolds Gornevs kūpā muzicej jau 17 godu – suokumā jī beja zynomi kai grupa “Laineri”, bet nu jau vairuokus godus obeji ir apsavīnuojuši zam “Galaktikys” vuorda.

Koncertūs grupai pīsavīnuos ari Rēzeknis Zaļūs pakolnu kora dalinīki, tiks izpiļdeitys grupys popularuokuos dzīsmis, kai “Rāzna”, “No visas sirds”, tautysdzīsmis, kai ari piļneigi jaunys dzīsmis nu tūpūšuo albuma “Galaktika un draugi”.

29. martā 16.00 Limbažu kulturys nomā

1. aprelī 19.00 Jākubpiļs tautys nomā

11. aprelī 14.00 Valmīrmuižys kulturys nomā

12. aprelī 16.00 Skreiveru kulturys centrā

18. aprelī 18.00 Kuldeigys kulturys centrā

19. aprelī 18.00 Reigā koncertzalā “Rīga”

21. aprelī 18.30 Guļbinis kulturys centrā

23. aprelī 19.00 Kūknesis kulturys nomā

28. aprelī 19.00 Ludzys kulturys nomā

30. aprelī 19.00 Tukuma kulturys nomā

5. majā 19.00 Talsu tautys nomā

7. majā 19.00 Dūbelis kulturys nomā

13. majā 19.00 Daugovpiļs LKC

15. majā 19.00 Rēzeknis kulturys nomā

22. majā 19.00 Cēsu CATA

24. majā 18.00 Muolpiļs kulturys centrā