Jaunajā LTV1 erudicejis šovā “Latvijas novadu cīņas” sasatyka dzīduotuoji – Arņs Slobožanins, Andris Ērglis, Olga Rajecka i jūs komandys – Rēzekne, Līpuoja i Ūgris nūvods.

Arņa Slobožanina vadeituos Rēzeknis komandys sastuovā beja ari Rēzeknis Augstškolas zynuotņu prorektore, profesore Ilga Šuplinska, Saeimys deputats Jurs Viļums i erudits Eriks Začs.

Kab nūskaidruotu, kurā nūvodā dzeivoj Latvejā erudituokī cylvāki, nu 30. apreļa 10 nedeļu garumā LTV1 var vērtīs producentu kompanejis “HansaMedia” veiduotu erudicejis šovu “Latvijas novadu cīņas”, kurā kotru nedeļu sasateik treis nūvodu komandys i treis sabīdreibā popularys personys, kab azarta pylnā spēlē izzynuotu, kuram nu jim pīsanuok nedelis gudruokuo nūvoda tituls.