4. junī Daugovpiļs piļsātys svātku laikā pyrmū reizi Daugovpilī teik reikuota Muokslys nakts “Daugovpiļs ir muoksla”. Muokslys nakts laikā Daugovpiļs cītūksnī nūtiks daudzveideigys muokslys aktivitatis, kas suoksīs 22.00 i ilgs da 01.00.

Kab īraudzeitu Muokslys nakts burveibu i nūslāpumus, kotrys pasuokuma dalinīks jau nu 21.30 Rotko centrā varēs sajimt eipašu Daugovpiļs gaismys luktureiti i muokslys nakts pasuokumu karti. Muokslys nakti “Daugovpiļs ir muoksla” reikoj Daugovpiļs Marka Rotko muokslys centrs.

Muokslys naktī pasuokuma dalinīki varēs apmeklēt Marka Rotko muokslys centru par eipašom svātku cenom. Maineiguos izstuodis – 1.50 EUR, Marks Rotko. Dzeive i muoksla – 3.00 EUR voi ari apmeklēt vysys muokslys centra izstuodis kūpā par 4.50 EUR. Marka Rotko muokslys centrā apmaklātuoji varēs ari klauseitīs klasiskū muzyku Maijis Kalnenis čella izpiļdejumā.

Muokslys nakts aktivitatis Daugovpiļs cītūksnī:

Naksneiguo pastaiga pa Daugovpiļs cītūkšņa vaļnim ar luktureiti
Ekskurseja pa Daugovpils cītūkšņa vaļnim i kazematim gida pavadeibā. Puļciešonuos 22.00 pi Daugovpiļs cītūkšņa kulturys i informacejis centra.

Spīgeļuošonuos muokslys naktī
Greizī spīgeli Nikolaja vuortu suonu telpuos i Rotko centra pogolmā. Sevkurs varēs īraudzeit sevi cytā gaismā i tālā.

Daugovpiļs gaismys i muzykys laboratoreja Cītūkšņa kazematā
Gaismys i skanis sinteze lobam nūskaņuojumam i dejis rytmim.

Maineigais akvareļs
Maineiga akvareļgleznuojuma i muzykys sinteze telpā.

Muokslys viestejums
Vareiba luktureiša gaismā redzēt i skaiteit Rotko dūmugryudus vysaiduos Cītūkšņa vītuos.

Sikspuorņa muoksla
Kotrys varēs īsajust sikspuorņa tālā, pasaceļūt viers zemis un zeimejūt īkuortā stuovūklī.

Malnuo muokslys ustoba
Eipaša instalaceju vide, kuru maina pats apmaklātuojs. Instalacejis autors – Mareks Radke (Pūleja).

Izgaismuotais Rotko
Gaismys i skanis rūtalis iz Rotko centra fasadis.

Karikaturu nakts styureits
Muokslinīki pīduovuos Muokslys nakts dalinīkim vareibu izzeimēt karikaturu.

Karteņa: publicitatis obrozs.