1.  junī Latgolys Kulturys centra izdevnīceiba svieteis 25 godu pastuoviešonys jubileju. Latgolys kulturys dzeivē lela nūzeime ir Latgolys Kulturys centra (LKC) izdevnīceibai i juos vadeituojam Juoņam Elksnim. Izdevnīceiba ryupejās par latgalīšu volūdu i literaturu, sekmej Latgolys viesturis pietnīceibu, izdūdūt gruomotys, kas vajadzeigys Latgolai, na tuos, kas nas leluoku peļņu.

1990. goda aprelī ar mierki atjaunuot latgalīšu literaturys īzdūšonu i apzynuot cytys Latgolys kulturys vierteibys Rēzeknē dybynuoje sabīdriskū organizaceju „Latgales Kultūras centrs”. Ar tuo poša goda 1. juni LKC izdevnīceibys vadeišonu uzajēme Juoņs Elksnis. Struoduot J. Elksnis suoka nu nullis – izdevnīceibai nabeja ni telpu, ni darbinīku, ni naudys.

LKC izdūd gruomotys na viņ latgalīšu, nu ari latvīšu, krīvu i angļu volūduos. Tū vydā – dzeja, proza, zynuotniski i popularznuotniski dorbi, memuari, goreiguo literatura, vuiceibu leidzekli.

Juoņa Elkšņa dorbs ir nūvārtāts ar Treju Zvaigžņu ordeni i Latvejis Vaļsts aizsardzeibys fonda Gūda zeimi. J. Elksnim ir daškierts ari Rēzeknis Gūda pilsūņa tituls, sajiems bolvu ceremonejis „Latvijas lepnums” nominacejā „Novadnieks”, kai ari īgivs Latgolys Kulturys Goda bolvu „Boņuks” par ilggadeju īguļdejumu latgalīšu kulturā, sajiems ari Latgolys planavuošonys regiona Atzineibys rokstu.

Viesti sagataveja LaKuGa piec Rēzeknis Centraluos bibliotekys snīgtuos informacejis
Karteņa: Anna Romanovska