Baļtinovā 8. augustā nūtiks muzykys festivals „Osvalds 2015”, tuo ītvorūs teik organizāts jaunūs izpiļdeituoju konkurss „Mana Dziesma 2015”. Konkursa ideja, kai stuosta muzykys festivala organizators Māris Lapāns, ir veicynuot jaunūs izpiļdeituoju rodūšuos aktivitatis, vairuot skotuvis pīredzi i palīlynuot muziku publiskū atpazeistameibu.

Konkursā pīsadaleit aicynuotys jaunuos grupys i individualī izpiļdeituoji, kas dorbojās pop, rock, indie, hip-hop, etno, jazz, country i cytūs muzykys žanrūs. Konkursantus īdaleis divuos kategorejuos – individualī izpiļdeituoji i „dzeivuos” muzykys grupys, attīceigi pīsadolūt ar divu dzīšmu ci 25 minotu garu programu. Dalinīku izpiļdejumu vērtēs organizatoru izveiduota žureja. Golvonuos bolvys i dzīšmu īroksts profesionālā skaņu īrokstu studejā.

Organizatori konkursa dalinīkim nasadz ceļa izdavumus nu i naīkasej daleibys moksu. Dasasaceišona da 15. juņam, konkursa nūlykums i dasacejuma anketa pīejama diogens.lv.