Ituo goda vosorā Naujenis kulturys centrs eistynuos projektu, kura mierkis ir veicynuot i atbaļsteit folklorys kūpu darbeibu. Kai ari popularizēt Daugovpiļs nūvodu, Naujenis pogostu i tuo viesturiskū vītu – Juzefovys muižys parku, veicynuot tūs atpazeistameibu turistu vydā, informej Naujenis kulturys centra vadeituoja Olga Kuzmina.

Atbolstu projekts „Folkloras kopu sadziedāšanās pasākuma “Atvasara Juzefovā”, vēsturiskā Juzefovas muižas parka un folkloras kopu atpazīstamības veicināšana un popularizēšana” 500 eiro apmārā sajēme Vaļsts kulturkapitala fonda mierķprogramys „Latvijas valsts mežu atbalstītā Latgales kultūras programma 2015” ītvorūs.

Projekta eistynuošonys laikā da 31. septembram izveiduos folklorys kūpu, kurys pīsadaleis folklorys kūpu sasadzīduošonuos pasuokumā „Atvasara Juzefovā” 13. septembrī, vizeitkartis i bukletus par viesturiskū Juzefovys muižys parku, informativus materialus par sasadzīduošonuos pasuokumu.

Projekts “Folkloras kopu sadziedāšanās pasākuma “Atvasara Juzefovā”, vēsturiskā Juzefovas muižas parka un folkloras kopu atpazīstamības veicināšana un popularizēšana” teik eistynuots ar Latgolys regiona atteisteibys agenturys, Vaļsts kulturkapitala fonda i A/S “Latvijas valsts meži” finansialo atbolstu.

Karteņa visitdaugavpils.lv