Īsadvesmojūt nu kinys “Pazust Latgalē”, organizej pīdzeivuojumu braucīni
Īsadvesmojūt nu kinys “Pazust Latgalē”, nu 6. da 9. augusta teik organizāts pīdzeivuojumu braucīņs, ļaunūtīs dobys aicynuojumam i pagaistūt nu vysa kasdīniškuo.
Četru dīnu puorbraucīņa laikā sevkuram dalinīkam teik sūleita vareiba labi pavadeit laiku, atkluot Latvejis dobys i kulturys boguoteibu. Braucīņs sadaleits aktivitašu, sporta, kulturys i vidis dīnuos.
Braucīņa laikā tiks apmaklāts Latvejis dzeivuotuoju duovynuojums Latvejai – Liktiņduorzs. Dalinīki varēs mauduotīs vysdzydruokajā i vysleluokajā Latvejis azarā, pabyut vystuoluokajā Latvejis austrumu punktā, apmeklēt vyssvātuokū Latvejis vītu, īprīcynojūt nūvoda svātku apmaklātuojus i vysus cytus. Bez tuo vysa paradzātys ari sportiskys i rodūšys aktivitatis myusu zemis syltuokajuos vītuos – Maltā i Egiptē. Dalinīki nakšņuos Raiņa bierneibys sātā, kai ari apmeklēs festivalu “Osvalds”, kurs itūgod svietej 20 godu jubileju.
Pīsadaleit teik aicynuots sevkura vacuma cylvāks, kuru interesej pīdzeivuojumi, kurs vaicoj aktivu atpyutu tepat Latvejā.
Daleibys moksa: 35 eiro, kurā īkļauts festivala “Osvalds” apmekliejums, vīta PanCars (eipaša dizaina i apreikuojuma “Fiat 126” mašyna), kai ari īīšonys moksa apsavieršonys objektūs. Pošim dalinīkim juosariekinoj ar dagvīlys izdavumim (ap 20 eiro nu cylvāka). Braucīņa laikā nakšņuošona nūtiks teltīs, pošim byus juosaryupej ari par iedīni.
Dasasaceit braucīņam var, rokstūt iz info@pancars.lv
